Ақтөбеде көп балалы аналарды марапаттады
1 Шілде, 2015 19:13
Ақтөбе қаласының әкімдігінде көп балалы аналарды құрметке бөледі. 44 жастағы Күлжазира Миқанова «Алтын алқаға», тағы 6 ана «Күміс алқаға» ие болды, деп хабарлады облыстың ішкі саясат басқармасы.
Ақтөбе қаласы әкімінің орынбасары Айгүл Арынғазиева көп балалы аналарды құттықтап, облыс пен қаладағы демографиялық жағдай жақсарып келе жатқанын айтты.
Қазіргі таңда Ақтөбе қаласында алты мыңнан астам көпбалалы ана тұрады. Оның ішінде бір жарым мыңнан астамы «Күміс алқа» және 1282 «Алтын алқа» белгісінің иегерлері. Сонымен қатар Ақтөбеде 289 әйел «Батыр ана», 341 нәзік жанды «Ана даңқының» 1, 2, 3 дәрежедегі медаль иегері.
