• Басты
  • Астанада Н.Назарбаевтың «Өмір өткелдері» кітап-сұхбаты таныстырылды
1 Шілде, 2015 11:42

Астанада Н.Назарбаевтың «Өмір өткелдері» кітап-сұхбаты таныстырылды

Елорда күні қарсаңында Қазақстан Республикасының Тұңғыш Президенті Елбасының кітапханасында Мемлекет басшысы Нұрсұлтан Назарбаевтың «Өмір өткелдері» (Вехи жизни») кітап сұхбатының таныстырылымы өтті.
Астанада Н.Назарбаевтың «Өмір өткелдері» кітап-сұхбаты таныстырылды

Елбасының өмірі мен қызметі туралы отандық және шетелдік авторлармен аз кітап жазылған жоқ. Олардың басым бөлігі өзге тілге аударылып қайта басылып шықты. Сонымен қатар, Президенттің өз қаламынан шыққан кітаптарда аз емес  «21 ғасыр қарсаңында», «Қазақстандық жол», оларда егемендігіміздің ең жарқын сәттері туралы айтылған. Нұрсұлтан Назарбаевтың жаңа кітабы бұған дейінгілерден өзгеше. Ол кітап-сұхбат, тәубаға келу кітабы. Онда Елбасының уақыт пен өзі туралы ойтолғамдары бар.

«Бүгін Елбасының таныстырылып отырған «Өмір өткелдері» кітабының ерекшелігі оқырмандар  Мемлекет басшысының ел өмірінің өзгеріске толы кезеңдері мен қалыптасу тарихындағы айтулы шешімдерге деген жеке қөзқарасымен таныса алады»,- деді ҚР Ммелекеттік хатшысы Гүлшара Әбдіхалықова кітапты таныстыру барысында.

Сонымен қатар ол атап өткендей, бұл басылым бірінші кезекте жас оқырмандар үшін баға жетпес құндылық.

Кітап 16 тарау мен 570 парақтан тұрады.

Өз кезегінде шара модераторы  Елбасы қызметі туралы бірқатар кітаптардың авторы Махмуд Қасымбеков  Президенттің жаңа кітабының ерекшеліктерін ашып берді. Бұдан басқа, «Өмір өткелдері» кітабы туралы пікірімен белгілі мемлекеттік қайраткерлер Мырзатай Жолдасбеков, Кенжеғали Сағадиев, Төлеутай Сүлейменов, Александр Тараков бөлісті.

Индира Кауметова

Барлық жаңалықтар