• Басты
  • «Алтын Тобылғы» сыйлығына өтініш беру басталды

«Алтын Тобылғы» сыйлығына өтініш беру басталды

1 Шілде, 2015 11:37
Астанада «Алтын Тобылғы» сыйлығына өтініш беру басталды, деді ҚР Президенті жанындағы ОКҚ брифингінде Қазақстан Республикасының Тұңғыш Президенті - Елбасы Қорының атқарушы директоры Сағындық Нұрақанов.

«15 жылдан бері Президент Қоры Қазақстанның талантты жастары мен жас дарындарға қолдау жасап келеді. «Алтын Тобылғы» жобасы қазақстандық талантты жастардың жолын ашып, әлемдік деңгейге көтереді деп сенеміз. Сондай-ақ біз мұндай іс-шаралар жастардың мемлекеттік тілге құрметі мен оқуға деген мотивациясын және отандық әдебиетке үлкен қызығушылығын оятады деп сенеміз», – деп атап өтті Қазақстан Республикасының Тұңғыш Президенті - Елбасы Қорының атқарушы директоры Сағындық Нұрақанов брифинг барысында.

Жобаға 18 бен 35 жас аралығындағы қазақстандық жас авторлар қатыса алады. Ұсынылатын материалдар бұрын еш жерде жарияланбаған болуы тиіс. 

«Алтын Тобылғы» әдеби шығармалар сыйлығы - қазақстандық авторлардың шығармашылық әлеуетін жүзеге асыру мақсатында әзірленген жаңа буынның өмірлік философиясын көрсететін жоба.

«Алтын Тобылғы» сыйлығы «Үздік проза», «Үздік поэзия», «Үздік драматургия» және «Үздік балалар әдебиеті» деп 4 номинация бойынша беріледі. Жеңімпаздарға 1 млн. теңгеден сыйақы беріледі. Сонымен қатар «Мәңгілік ел» тақыры бойынша жеңімпаз атанған автор 1,5 млн теңге ақшалай сыйлығы бар арнайы премияға ие болады. 

Қазылар алқасы құрамына Қазақстан Республикасының белгілі мәдениет қайраткерлері сондай-ақ әдебиет өкілдері мен журналистер еніп отыр.

Өтініш 2015 жылдың 1 шілдесінен бастап 1 қарашасына дейін қабылданады. 

Анар Тәңірқұлова

Барлық жаңалықтар