Маңғыстау облысында құрылысқа деген инвестиция 2,7 есеге артты

«2015 жылдың қаңтар-мамыр аралығындағы негізгі капиталға деген инвестициялардың көлемі 121,6 млрд теңгені немесе 2014 жылдың сәйкес кезеңі бойынша 90,5 пайызды құрады. Инвестициялардың кемуі өнеркәсіпте 24,8 пайызға жетті. Алайда құрылыс саласындағы негізгі капиталға деген инвестиция 2,7 есеге артты, көлік пен қоймаға орналастыру бойынша 2,3 есеге артты»,-деді ол.    

Облыс әкімінің орынбасарының сөзінше, 2015 жылдың қаңтар-мамырында құрылыс жұмыстарының көлемі 41,5 млрд теңгені құрады немесе 2014 жылдың сәйкес мерзімі бойынша 92 пайызды құрады. «Күрделі жөндеу жұмыстары бойынша көлем 51,8 пайызға кеміп, ағымдағы жөндеу 4,1 пайызға азайды. Құрылыс-монтаждық жұмыстар бойынша, өсім 0,6 пайызды құрап отыр»,-деп түсіндірді ол.

Аймақ әкімдігінің ақпараттары бойынша, тұрғын үйлерді пайдалануға беру көлемі 2014 жылдың көрсеткіштері бойынша 12,2 пайызға өсті. Маңғыстау облысында қаңтар-мамыр аралығында 264,7 мың шаршы метр тұрғын үй пайдалануға берілген.