Ресейдің Еркін экономикалық қоғамы ҚР Президентін Үлкен Алтын медалімен марапаттады

1 Шілде, 2015 12:44

Мәскеуде Ресейдегі Қазақстанның елшілігінде ҚР Президенті Н.Назарбаевты Еркін экономикалық қоғамының (ЕЭҚ) Үлкен Алтын медалімен марапаттау салтанатты рәсімі өтті, деп хабарлады ҚР СІМ.

Бұл награда ҚР Президентіне «әлемдік экономикаға қосқан жеке үлесі, тарихи маңызды бастамалары мен интеграциялық процестердегі жеткен жоғары жетістігі, Еуразиялық экономикалық одақты дамытуға, Қазақстан Республикасы мен Ресей Федерациясы арасындағы экономикалық, ғылыми, мәдени байланыстарды нығайтуға қосқан үлесі мен белсенді қоғамдық қызметі үшін» берілді.

Еркін экономикалық қоғам басшысы, танымал ресейлік экономист, (19911992) Мәскеудің бірінші мэры Гавриил Попов ерекше атап өткендей, Н. Назарбаев Ресейдің ЕЭҚ Үлкен Алтын медалінің алғашқы шетелдік кавалері атанды.

Өз кезегінде, медалды қабылдаған РФ-дағы ҚР елшісі Марат Тажин Қазақстан Президентінің қызметін осыншалық жоғары бағалағаны үшін алғыс білдірді.

Естеріңізге сала кетейік қоғам Астанада Еуразиялық ғалымдар клубының құрылуына көмектесті және ЕЭҚ ғалымдары мен сарапшылары G-Global коммуникациялық алаңының жұмысына белсенді атсалысып келеді.

Барлық жаңалықтар