Қазақстанның ДСҰ-ға қосылуы елімізге бұрынғыдан да үлкен талаптар қояды – депутат

«Біз көптен бері халықаралық кеңістіктеміз (халықаралық нарықтарда), енді осы үдерісті тек заңдастыру ғана қалды. Біздің тағам өнеркәсібі саласындағы, атап айтқанда кондитерлік өнімдер мен ұн өнімдері бойынша экспорттық бағыттарымыз жақсы дамыған»,-деді Е.Никитинская.  

Депутаттың сөзінше, ДСҰ қатысты айтқанда, азық-түлік өнімдері бойынша жасалған келісімдер негізінде қазақстандық өнімдерді енгізу мәселесімен айналысу маңызды.

«Біз бұл мәселе бойынша кәсіпорындарға бірден тауарларыңды экспортқа шығарыңдар дегененн көрі мәселеге жан-жақты, кешенді түрде қараған дұрыс. Біз өзіміздің тауарларымыздың еліміздің өз ішінде сұранысқа ие болуына қол жеткізуіміз керек, өйткені елде халықаралық компаниялар да жұмыс істейді, бұл әсіресе жер қойнауын пайдалану секторына қатысты. Белгілі бір деңгейде сертификатталмаған тауар ешқашан сұранысқа ие болмайды»,-деді Мәжіліс депутаты.   

Оның сөзінше, халықаралық деңгейде мойындалу оңай шаруа емес.  

«Жалпы алғанда, кез-келген халықаралық келісімдерге қосылуға деген ұмтылыс дұрыс, өйткені олар елге жоғары талаптар қояды. ДСҰ-на кіру сөз жоқ жақсы жетістік, алайда бұл бағытта әлі ізденіп, қозғалу керек»,-деді депутат.   

Ботагөз Айтжанова