Қарағанды облысында халықтың 32,4 % ШОБ саласында жұмыспен қамтылған

1 Шілде, 2015 11:58

Облыстық статистика департаментінің мәліметі бойынша, жұмыспен қамтылғандар санының ең көбі көтерме және бөлшек сауда; автомобильдерді және мотоциклдерді жөндеу саласында шоғырланған 32,4%, өнеркәсіпте -17,5%, құрылыста - 13,3%.

Облыс әкімдігінен хабарлағандай Статистика департаменті аймақтағы шағын кәсіпорындардың қызметін зерттеді.

Санақ мамандарының мәліметі бойынша 2015 жылғы I тоқсанда орта есеппен алғанда кәсіпкерлік қызметпен шұғылданатын облыстың шағын кәсіпорын қызметкерлерінің тізімдік саны 63414 адамды құрады, 2014 жылғы сәйкес кезеңмен салыстырғанда 12,6%-ға өсті.

«2015 жылғы I тоқсанда бір қызметкердің орташа айлық жалақысы 80980 теңгені құрады, 2014 жылғы сәйкес кезеңмен салыстырғанда 21,8%-ға өсті. Ең жоғары орташа айлық жалақы көтерме және бөлшек сауда; автомобильдерді және мотоциклдерді жөндеу шұғылданатын кәсіпорын қызметкерлерінде анықталды 116420 теңге», - делінген хабарламада.

2015 жылғы I тоқсанда өндірілген өнім мен көрсетілген қызметтер көлемі 52,7 млрд. теңгені құрады, алдыңғы жылғы сәйкес кезеңмен салыстырғанда 13,1%-ға өсті. Өндірілген өнім мен көрсетілген қызметтердің жалпы көлемінде кәсіпорындарының үлес салмағы көтерме және бөлшек сауда; автомобильдерді және мотоциклдерді жөндеу кәсіпорындарында 30,2%-ды, өнеркәсіп кәсіпорындарында 22,8%, құрылыста - 14,4%-ды құрады.

Ал, 2015 жылғы I тоқсанда өнім өткізу мен қызмет көрсетуден түскен кіріс 138,7 млрд.теңгені құрады, алдыңғы жылғы сәйкес кезеңмен салыстырғанда 15,4%-ға кеміді, деп хабарлады санақ мамандары.

Барлық жаңалықтар