Қазақстан мен Куба әріптестікті дамытуға дайын - СІМ

Кездесу барысында тараптар екіжақты ынтымақтастықтың қазіргі жағдайы мен оны одан әрі дамыту мәселесін талқылады, сондай-ақ биылғы жылдың күзіне жоспарланып отырған Қазақстан Президенті Нұрсұлтан Назарбаевтың Куба Республикасына сапары сөз болды, деп хабарлайды Сыртқы істер министрлігі.     

Сыртқы істер министрі Ерлан Ыдырысов Қазақстан мен Кубаның бір-бірінің халықаралық ұйымдар аясындағы бастамаларына дәстүрлі түрде қолдау көрсетіп келе жатқандығын атап өтті. «Екіжақты бірлескен тығыз қарым-қатынастардың нәтижесінде Куба Қазақстанның 2017-2018 жылдар аралығындағы БҰҰ тұрақты емес өкілдігіне кандидатурасын қолдайды, ал Қазақстан Кубаның 2017-2019 жылдары БҰҰ-ның Адам құқықтары жөніндегі кеңесіне қайта мүше болуына мүдделі»,-деді министр.