2013 жылы Ақмола облысында екі жылдың астық қоры -1,5 млн тонна бидай дайындалды
19 Қазан, 2013 09:25
Ақмола облысының шаруалары 1,5 млн тонна болатын екі жылдың астық қорын дайындап қойды, деп хабарлайды Ақмола облысының ішкі саясат басқармасы.
«Бұл өз кезегінде мал басының сақталуы және көбеюі мен тауар өндірісінің артуына жол ашты. Нәтижесінде мүйізді ірі қара малы 378,7 мың басқа жетіп, 108 %-ға, сиыр малы 113,2 % (168,8 мың), жылқы 107,7 % (132,9 мың), қой-ешкі 108 % (491,8 мың), құс 104,2 %-ға артқан (3,3 млн). ет өндірісі 8 %-ға өсіп, 56,5 мың тоннаға, ал сүт 7,4 % (263,5 мың тонна), жұмыртқа 7,4 %-ға көбейді (396,4 дана)», - делінген хабарламада.
Айта кету керек, бүгінге дейін елорда нарығы ауылшаруашылығы өнімін өндіруші шаруалар тарапынан 48,8 мың сүт өнімімен қамтамасыз етілген. Бұл көрсеткіш өткен жылмен салыстырғанда 101,1%-ға артық. Ал ет өнімдері былтырғыдан 100,9 % пайыз көрсеткішпен 13,9 мың тоннаны құрады, ал жұмыртқа саны 130 мың данаға жеткен.
