ҚР Қарулы Күштерінде «Алтын үкі – 2015» барлау топтарының сегізінші халықаралық жарысы басталды (Фото)

30 Маусым, 2015 09:54

Қарағанды облысының «Спасск» оқу-жаттығу орталығында «Алтын үкі – 2015» арнайы мақсаттағы барлау топтарының сегізінші халықаралық сайысының ашылу рәсімі өтті, деп хабарлады Қорғаныс министрлігі.

Беларусь, Қытай, Ресей, АҚШ және Қазақстаннан жиналған он команда бес күн бойы оқ ату, медициналық дайындық, жерде бағдарлау мен көптеген басқа сыннан шеберліктерін көрсететін болады. Бұл жарыс жауынгерлер мен жалпы командалық жұмыстың жеке жауынгерлік даярлығын тексеруге бағытталған.

«Халықаралық лаңкестіктің өсуі асып жығылған кезде арнайы мақсаттағы бөлімшелерге үлкен жауапкершілік артылады. Арнайы мақсаттағы жауынгерлер ең күрделі міндеттерді орындауға дайын болуы тиіс. Сондықтан «Алтын үкі» жарысын өткізу қатысушы командалардың осал және мықты тұстарын айқындауға, сондай-ақ халықаралық лаңкестікпен күресу бойынша озық тәжірибе алмасуға ықпал етеді», - деп 14776 әскери бөлімі командирінің орынбасары полковник Асхат Садықұлов атап өтті.

Салтанатты ашылу рәсімінен кейін сайыстың бірінші кезеңін өткізу басталды. Алғашқы күні жауынгерлерге әртүрлі қарудан оқ ату, медициналық дайындық пен заманауи навигация аспаптарынсыз жергілікті жерде бағдарлау шеберліктерін көрсету қажет.

Барлық жаңалықтар