• Басты
  • С.Дьяченко: Қазақстан мен Кубаның ынтымақтастығы даму әлеуетіне ие
29 Маусым, 2015 14:32

С.Дьяченко: Қазақстан мен Кубаның ынтымақтастығы даму әлеуетіне ие

Мәжілісте Палата Төрағасының орынбасары Сергей Дьяченко Куба Республикасының сыртқы істер министрінің орынбасары Рохелио Серра Диаспен кездесіп, Қазақстан-Куба қарым-қатынасын нығайта түсу мәселелерін талдады, деп хабарлады Мәжілістің баспасөз қызметі.
С.Дьяченко: Қазақстан мен Кубаның ынтымақтастығы даму әлеуетіне ие

Vәжіліс вице-спикері Куба Қазақстанның Кариб бассейніндегі сенімді серіктесі екендігін атап, біздің еліміз алдағы уақытта да мемлекеттер арасындағы жан-жақты қарым-қатынасты өркендетуге мүдделі екендігін білдірді.

Екі ел арасында өзара пайдалы әрі мүдделі бағыттар көп болғандықтан, Мәжілістің вице-спикері Куба іскерлерінің компанияларын «Экспо-2017» халықаралық мамандандырылған көрмесіне қатысуға шақырды. Қазақстанның 2017-2018 жылдары БҰҰ Қауіпсіздік Кеңесіне тұрақты емес мүше болуға ұмтылысын қолдағандықтарына алғысын жеткізді.

Кубаның Сыртқы істер вице-министрі қазақстандық спортқа деген жоғары көзқарасын айта келе, «Экспо-2017» халықаралық көрмесіне қатысатындықтарын мәлімдеді. «Қазақстан ғаламдық қауіпсіздікті нығайту жолында үлкен үлес қосып отыр»,- деп баға берді. «Қазақстан Кариб зонасына біз арқылы өтсе қуанар едік»,- деген ақжарма тілекпен парламентаралық байланыстарға тоқталды.

Қазақстан парламентшілерін заң шығару жұмысы бойынша тәжірибе алмасу мақсатында еліне шақырды. Жүздесуге Қазақстан тарапынан Мәжілістің Халықаралық істер, қорғаныс және қауіпсіздік комитетінің төрағасы Мәулен Әшімбаев пен Кубаның Қазақстандағы Төтенше және Өкілетті Елшісі Вальдес Де Ла Консепсион қатысты.
 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды