• Басты
  • Түрік сарапшылары Қазақстанның ДСҰ-ға кіруі бойынша келіссөздердің тәмәмдануын жоғары бағалады
29 Маусым, 2015 11:42

Түрік сарапшылары Қазақстанның ДСҰ-ға кіруі бойынша келіссөздердің тәмәмдануын жоғары бағалады

Қазақстанның Түркиядағы Елшілігінде ҚР-ның Дүниежүзілік сауда ұйымына (ДСҰ) кіруі бойынша келіссөздердің аяқталуына арналған «дөңгелек үстел» отырысы өтті, деп хабарлады ҚР СІМ.
Түрік сарапшылары Қазақстанның ДСҰ-ға кіруі бойынша келіссөздердің тәмәмдануын жоғары бағалады

«ҚР-ның Түркиядағы Елшісі Жансейіт Түймебаев қатысушыларды Қазақстанның негізгі сыртқы саяси бастамалары, соның ішінде еліміз үшін тарихи маңызды зор Қазақстанның ДСҰ-ға кіруі бойынша келіссөздердің тәмәмдануы туралы хабардар етті», - делінген хабарламада.

Ж. Түймебаев Қазақстан халықаралық қауымдастықтың жауапкершілігі зор мүшесі бола отырып, ашық демократиялық қоғамды, либералдық экономикалық жүйені қалыптастырып, әлемнің көптеген мемлекеттерімен тығыз байланыс орнатқанын атап өтті. Қазақстанның шетелдік инвесторлар үшін тартымдылығы асқаны атап өтілді.

Орталық Азия бойынша сарапшы, саяси шолушы Кюршад Зорлу ұзақ келіссөздер барысында өз позицияларын ұстай алған Қазақстанның дипломатиялық жеңісін жоғары бағалап өтті.

«Бауырлас Қазақстанның Дүниежүзілік сауда ұйымына кіруі сіздердің еліңізде экспортқа бағытталған бизнесті дамытудың жаңа мүмкіндіктерін ашады. Түркия ДСҰ-ға 1995 жылы кірді, одан кейін ел экспорт көлемін арттырып, бәсекелестік деңгейі айтарлықтай өсті. Мүмкіндікті пайдалана отырып, бауырлас Қазақстан халқын келе жатқан Астана күнімен құттықтағым келеді», – деді К. Зорлу.

Түркі әлемінің инженерлері мен сәулетшілері одағының төрағасы Ілияс Демирджи Қазақстанның елеулі табыстарын атап өтіп, біздің еліміздің орталықазиялық аймақтағы жетекші рөлін баса айтты. Сондай-ақ ол Қазақстанның ДСҰ-ға кіруі ҚР-дағы бизнесті дамытудың жаңа сатыға көтеретінін атап өтті.

 

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды