Миланда Астана ЕЭА-да Қазақстан-Италия бірлескен кәсіпорындарын орналастыру бойынша меморандум түзілді
27 Маусым, 2015 19:23
Бүгін Елбасы Нұрсұлтан Назарбаевтың Милан қаласына сапары барасында, бизнес-форумдар, бірқатар кездесулер мен келіссөздер өтті, сондай-ақ, екіжақты бірқатар құжаттарға қол қойылды, оның ішінде Қазақстан машина жасаушыларымен үшжақты келісім мен Астана қаласы мен Италияның «АНИМА» машина жасаушылар ұйымы арасында меморандум түзілді.
Атап айтсақ, Қазақстанның машина жасау кеңесінің төрағасы Мейрам Пішембаев, Италияның «АНИМА» машина жсау кеңесінің президенті Альберт Капрари мен Астана қаласының әкімі Нұрали Әлиев ынтымақтастық туралы меморандум түзді.
Аталмыш құжат екі елдің экономикалық ынтымақтастығын дамытуға, іскерлік ынтымақтастықты одан әрі дамытуға және екіжақты қарым-қатынасты кеңейтуге бағытталған. Сондай-ақ, Астана қаласының еркін экономикалық аймағында Қазақстан-Италия бірлескен кәсіпорындарын орнату мәселесі қарастырылды.
