Атырау облысында қорғауға алынған 313 тарихи ескерткіш анықталды

18 Қазан, 2013 18:05

Атырау облысы бойынша ұлттық тарихты насихаттау, қорғау және зерттеу шаралары өткізілуде. Осы орайда қорғауға алынған 313 тарихи ескерткіш анықталды, деп хабарлайды облыс әкімдігінің баспасөз қызметі.

«2012 жылы мемлекеттік тізімнен қорғауға алынған 85 ескерткіштің тақтасы дайындалған. Биылғы жылы бұл тізімге тағы 55 ескерткіш қосылмақ. Мемлекеттің қорғауындағы 313 тарихи және мәдени ескерткіштер тізімі анықталды», - делінген хабарламада.

Сонымен қатар, 2012 жылы «Ескерткішті қадағалау II» атты аймақтық ғылыми симпозиум өткізілді. Хабарламада айтылғандай,симпозиумның басты отырысында Қазақстанның мәдени және тарихи ескерткіштерін қолдану мен мамандардың атқарып жатқан жұмыстарын талқылау болды. Соның ішінде батыс өңірі тарихи-мәдени орталықтың сақталуы бағдарламасын дамытуда.

Туристік қолданыс үшін мәдени және тарихи орындардың жол картасы шығарылды.

Мәдени және тарихи ескерткіштер тізіміне енген 283 нысанға сараптама жұмыстары жүргізілді.