• Басты
  • Қазақстанда парниктік газдардың қалдықтарына болжам жасау мен мониторинг жүргізуге мүмкіндік беретін үлгі таныстырылды
26 Маусым, 2015 14:32

Қазақстанда парниктік газдардың қалдықтарына болжам жасау мен мониторинг жүргізуге мүмкіндік беретін үлгі таныстырылды

Қазақстанда энергетикалық сектордағы декорбанизациялау жөніндегі семинар-кеңес барысында алғаш рет экономиканың түрлі салаларындағы кәсіпорындар тарапынан ауаға тасталған парниктік газдарға болжам жасап, мониторинг жүргізуге мүмкіндік беретін «СALCULATOR» жобасының таныстырылымы өтті.
Қазақстанда парниктік газдардың қалдықтарына болжам жасау мен мониторинг жүргізуге мүмкіндік беретін үлгі таныстырылды | Strategy2050.kz

«Декорбанизация дегеніміз не – экономикалық өсімді көміртегіден тазарту. Әрине, мәселені бір мезетте шеше салу мүмкін емес, қалдықтардың көлемін азайту бойынша терең құрылымдық техникалық қайта құру қажет. Алайда, Ұлыбритания, Норвегия, Америка Құрама Штаттары сияқты мемлекеттерде қалдықтарды қысқарту бойынша сәтті қабылданған стратегия тәжірибесі бар. «ҚР энергетикалық сектордағы кәсіпорындарды декорбанизациялау» атты семинар-тренинг барысында біз сол үлгілердің бірін қарастырып отырмыз. Ол  «СALCULATOR» деп аталады. Аталған үлгі Еуропада жақсы тәжірибеден өтті. Екі ай бұрын Ресейде оның таныстырылымы өтті»,-деді «Жасыл академия» ғылыми-білім беру орталығының директоры Бақыт Есекина.

Оның айтуынша, «СALCULATOR» түрлді салалардағы парниктік газдардың қалдықтарына болжам жасап, мониторинг жүргізуге мүмкіндік береді. «Бұдан соң біз аталған бағдарлама бойынша оқытып, үйрету үшін ҚР Энергетика министрлігіне ақыл-кеңестер береміз. Кәсіпорындарда атмомфераға тасталатын қалдықтар саясатын анықтауға мүмкіндік беретін құжаттардың болуы маңызды»,-деді ол.    

Ғалымдардың мәліметтерінше, қазір әлемдегі бастапқы энергиялардың 80 пайызы қазба отыннан алынады, ал ол отындар тұтынылған кезде 34 млрд тоннаға жуық көміртегі диоксидін тастайды. Көмірқышқыл газының атмосфераға ықпалын азайту мақсатында жаһандық және ұлттық экономикаларды декорбанизациялау керек.

Ұйымдастырушылардың сөздерінше, бұл міндетке қол жеткізу оңай емес, әсіресе энергетиканың мұндай ірі бөлігі үшін.   

Естеріңізге сала кетейік,  жақында ғана Германияда өткен G7 саммитінде АҚШ, Жапония, Германия, Ұлыбритания, Франция, Италия, Канада сияқты дамыған мемлекеттер 21 ғасырдың соңына дейін өз экономикаларын декорбанизациялайтын болып шешті.  

Ботагөз Айтжанова

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды