• Басты
  • Г.Әбдіқалықова: Қазақстандық БАҚ республиканың барлық табыстары мен жетістіктеріне лайықты үлес қосады
26 Маусым, 2015 13:41

Г.Әбдіқалықова: Қазақстандық БАҚ республиканың барлық табыстары мен жетістіктеріне лайықты үлес қосады

ҚР Мемлекеттік хатшысы Гүлшара Әбдіқалықова елдің үздік журналистеріне Қазақстан Республикасы Президентінің бұқаралық ақпарат құралдары саласындағы сыйлықтары мен гранттарын тапсырды және Алғыстарын жариялады, деп хабарлады Ақорданың баспасөз қызметі.
Г.Әбдіқалықова: Қазақстандық БАҚ республиканың барлық табыстары мен жетістіктеріне лайықты үлес қосады

Мемлекеттік хатшы рәсім барысында сыйлық лауреаттары мен грант иегерлерін, Мемлекет басшысының Алғысын алған шығармашылық ұжымдарды, сондай-ақ Қазақстанның барша журналистер қауымын кәсіби мерекелері – Байланыс және ақпарат қызметкерлері күнімен құттықтады.

« Қазақстанның бұқаралық ақпарат құралдары азаматтық қоғамның маңызды бөлшегі ретінде билік органдары мен ел азаматтары арасындағы дәнекер қызметін атқарып қана қоймайды, сонымен қатар республиканың барлық табыстары мен жетістіктеріне лайықты үлес қосады, ортақ шаңырағымыздағы татулық пен келісімді нығайтады», – деді Г.Әбдіқалықова.

Мемлекеттік хатшы Қазақстан халқын ұйыстыру, патриотизмге тәрбиелеу, елімізді ең дамыған 30 мемлекет қатарына қосу жөніндегі стратегиялық міндеттерді жүзеге асыру ісінде отандық БАҚ қызметінің зор мәнге ие екенін атап көрсетті.

«Қазақстанның бұқаралық ақпарат құралдарының сапасы мен кәсіби тұрғыдан жетілуін ынталандыру үшін Мемлекет басшысының арнаулы марапаттары тағайындалған болатын. Осы марапаттарды тапсыру арқылы біз елдің медиакеңістігінің ең лайықты, талантын барынша жарқыратып көрсеткен өкілдерін атап өтеміз», – деді Мемлекеттік хатшы Г.Әбдіқалықова.

Мемлекет басшысының Өкімімен Қазақстан Республикасы Президентінің сыйлықтары Жанболат Әлиханұлы Аупбаевқа – «Егемен Қазақстан» республикалық газетінің бас редакторына Ұлы Отан соғысындағы Жеңістің 70 жылдығына арналған материалдар топтамасы және ұлттық бұқаралық ақпарат құралдарын дамытуға қосқан зор шығармашылық үлесі үшін; Алексей Владимирович Панға (марқұм) – «Экспресс-К» газеті редакциясы» ЖШС бас директорына елдің ақпараттық кеңістігі деңгейін өрістетуге бағытталған қызметі, отандық журналистиканы дамытуға қосқан үлесі үшін берілді.

Гранттар Зарина Георгиевна Есекееваға (Зарина Мұхамедәліге) – «Арша» медиастудиясының продюсеріне республиканың әлеуметтік-экономикалық дамуы және моноқалаларын мемлекеттік қолдау туралы «24 KZ» телеарнасындағы «Большие города» – «Дархан қала» атты авторлық жобасы үшін; Ринат Думанұлы Кертаевқа – «Хабар» агенттігі» АҚ «Хабар» телеарнасы Бағдарламалар өндірісі дирекциясының бас продюсеріне қазақстандық телевизияны  дамытуға қосқан шығармашылық үлесі үшін тапсырылды.

ҚР Президентінің Алғыстары «Достық-Дружба» республикалық қоғамдық-саяси журналының шығармашылық ұжымына қазақстандық патриотизмді қалыптастыруға, қоғамдағы этносаралық келісімді нығайтуға қосқан елеулі үлесі үшін; «Жетісу» өңірлік қоғамдық-саяси газетінің шығармашылық ұжымына өңірде мемлекеттік бағдарламалардың орындалу барысын терең әрі жан-жақты жариялап-көрсеткені үшін; «Қазақстан» ұлттық телеарнасының шығармашылық ұжымына мемлекеттік саясаттың жүзеге асырылу барысын белсенді жариялап көрсеткені және отандық ақпарат кеңістігін дамытуға қосқан зор үлесі үшін; ««Көкжиек» және «От и до» радиобағдарламаларының шығармашылық ұжымына Еуразиялық экономикалық одақ жұмысы аясында маңызды мемлекеттік бағдарламалардың жүзеге асырылу барысын жариялап-көрсеткені («Новости-Казахстан» ақпарат агенттігі мен «Астана» радиосының бірлескен жобасы) үшін; «Қазақстан Республикасы Президентінің телерадиокешені» коммерциялық емес акционерлік қоғамының шығармашылық ұжымына Қазақстан туралы өзекті телевизиялық жобалар жасау арқылы отандық құжаттану саласын дамытуға қосқан  елеулі үлесі үшін; «Тіл» ақпараттық-сараптамалық журналының шығармашылық ұжымына әлеуметтік-экономикалық реформалардың жүзеге асырылу барысын,  мемлекеттік тілді және ұлттық мәдениетті дамыту мәселелерін белсенді жариялап-көрсеткені үшін; «Vesti.kz» ақпараттық-спорт порталының ұжымына саламатты өмір салтын кеңінен насихаттағаны, Қазақстанның спорт журналистикасын дамытуға қосқан үлесі үшін жарияланды.  

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды