• Басты
  • Қ.Тоқаев НАТО Парламенттік Ассамблеясының делегациясын қабылдады
25 Маусым, 2015 20:21

Қ.Тоқаев НАТО Парламенттік Ассамблеясының делегациясын қабылдады

Сенат Төрағасы НАТО Парламенттік Ассамблеясының делегациясын қабылдады. Қауіпсіздік мәселелері жөніндегі үнқатысу жалғасуда, деп хабарлады Сенаттың баспасөз қызметі.
Қ.Тоқаев НАТО Парламенттік Ассамблеясының делегациясын қабылдады

Сенат Төрағасы Қасым-Жомарт Тоқаев НАТО Парламенттік Ассамблеясы Қауіпсіздіктің азаматтық өлшемі жөніндегі комитетінің төрағасы Виталино Канаш бастаған делегациясымен кездесті. НАТО ПА делегациясының құрамына Португалия, Франция, Польша, Ұлыбритания, Грекия, Италия және Латвия депутаттары енді. 

Кездесуді ашқан Қ.Тоқаев Қазақстан аймақтық қауіпсіздікті қамтамасыз ету тұрғысында НАТО-мен ынтымақтастыққа зор мән береді, деп атап өтті. Төраға Қазақстан Парламенті НАТО Парламенттік Ассамблея қызметіне байқаушы ретінде қатысатынын және оның жыл сайынғы сессиясына тұрақты түрде қатысып келе жатқанына тоқталды. Ол сондай-ақ 2009 жылы Астанада НАТО ПА-мен бірлесе отырып, Еуроатлантика қауіпсіздігі, оған қоса Ауғанстан және Орталық Азиядағы қауіпсіздік мәселелері жөніндегі Роуз-Рот семинары табысты өткенін еске салды. 

Қ.Тоқаев Президент Н.Назарбаевтың еліміздің жан-жақты жаңғыртуға бағытталған бес институттық реформасы, сондай-ақ қазақстандық парламентаризмнің дамуы мен Сенат қызметі туралы айтты.

Өз кезегінде В.Канаш Қазақстан НАТО ПА-ның Орталық Азиядағы ең жақын әріптесі екенін, сондықтан ұйым қазақстандық парламентшілермен байланысты одан әрі нығайтуға ниеттеніп отырғанын атап өтті. Француз сенаторы Жоэль Гаррио-Мейлам Франция Сенатының Төрағасының сәлемін жеткізіп, бейбітшілікті нығайту жолында парламентаралық үнқатысу мен парламенттік дипломатияның маңызы туралы пікір білдірді. Ол аумақтық тұрақтылық пен қауіпсіздікті қамтамасыз етуге арналған Қазақстанның күш-жігерін жоғары бағалады. Францияның басқа депутаты Жан-Мишель Вийом Еуропа мен Азия арасындағы көпір ретіндегі және Украинадағы шиеленіскен жағдайды реттеудегі Қазақстанның рөлін ерекше бөліп айтты.

Кездесу барысында Еуропадағы босқындар, терроризм және экстремизммен күрес, халықаралық парламенттік ұйымдар мәселелері бойынша пікір алмасылды.

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды