СҚО-да елордалық кардиохирургтер 9 балаға ота жасады
18 Қазан, 2013 16:33
Астана қаласының Ұлттық ғылыми кардиохирургия орталығының мамандары Солтүстік Қазақстан облысына жасаған жұмыс сапарында 9 балаға ота жасады. 200-ден астам науқас кеңес алып, олардың көбі Астанаға емделуге аттанды, деп хабарлайды Солтүстік Қазақстан облысының Денсаулық сақтау басқармасы.
Мамандар биылғы жылдың сәуір айында 5 жүрек отасын жасаған болатын.
«Операциялар денсаулық сақтау мекемелері әкімшіліктерінің өзара келісімдері шеңберінде солтүстік қазақстандық дәрігерлермен бірлесе жасалуда. Барлық операция ақысыз негізде жасалды», -делінген хабарламада.
Айта кету керек, 2013 жылдың өзінде жүрегінде ақауы бар нәрестелердің емі үшін республикалық бюджеттен 16 млн теңге бөлінген.
