• Басты
  • Алматыда жақын және алыс шетелдің медиктері репродуктивтік және перинаталдық денсаулықты жақсарту мәселелерін талқылауда
25 Маусым, 2015 14:32

Алматыда жақын және алыс шетелдің медиктері репродуктивтік және перинаталдық денсаулықты жақсарту мәселелерін талқылауда

Алматыда белгілі акушер-гинеколог, анестезиолог-реаниматолог, неонатолог ғалымдардың, жақын және алыс шетелдің ғылыми қайраткерлерінің, 10 фармацевтикалық компаниялардың өкілдерінің қатысуымен «Перинатологияның өзекті мәселелері» атты екі күндік халықарылық ғылыми-практикалық конференциясы өз жұмысын бастады.
Алматыда жақын және алыс шетелдің медиктері репродуктивтік және перинаталдық денсаулықты жақсарту мәселелерін талқылауда

Денсаулық сақтау және әлеуметтік даму министрлігі хабарлағандай, сондай-ақ іс – шараға Қазақстанның медицина академиялары кафедраларының қызметкерлері, республиканың барлық өңірлерінің дәрігерлері қатысты.

Шараны өткізудің мақсаты – репродуктивтік жастағы әйелдерге медициналық көмектің сапасын жақсарту.

Ана өлімінің көрсеткіші жалпы елдің медицинасының деңгейін және акушерлік – гинекологиялық қызметінің сапасын сипаттайды. Ол денсаулық сақтау саласы жағдайының елеулі интегральдық индикаторы болып табылады. Мыңжылдықты дамыту мақсаттарына сәйкес Қазақстан алдында ана өлімін 1990 жылғы бастапқы 75,8%-дан 2015 жылы 75%-ға төмендету мақсаты тұр, және 100 мың тірі туған балаға 18,9-ға сәйкес болу керек.

«Саламатты Қазақстан» мемлекеттік бағдарламасының индикаторларына сәйкес ана өлімінің көрсеткіші 100 мың тірі туған балаға 24,5-ке сәйкес болу керек. 2000 жылмен салыстырғанда ол 5 есе төмендеді және бүгінгі күні 100 мың тірі туған балаға 11,7 құрайды.

Бұл нәтижелерге Денсаулық сақтау және әлеуметтік даму министрлігі деңгейінен бастап медициналық-санитариялық алғашқы көмекке дейін барлық босандыру қызметінің жүйелі жоспарлы жұмысының арқасында қол жеткізілді. Бұл жұмыс бір мезгілде ұйымдастыру жұмысы, медициналық көмектің сапасын арттыру мақсатындағы жаңа диагностикалық, емдеу және профилактикалық шараларды енгізу және біліктілікті көтеру сияқты 3 бағытта жүргізілді.

Осыған байланысты еліміздің емдеу – профилактикалық мекемелері 3 деңгей бойынша өңірлерге бөлінді, онда әр өңірдің қызметтері, міндеттері және мүмкіндіктері нақты белгіленді. Дүниежүзілік денсаулық сақтау ұйымы ұсынған стандарттарға сәйкес жүктілікті және босануды жүргізудің жаңа технологиялары енгізілді. Дәрігерлердің іс әрекеттерінің хаттамалары мен алгоритмдері әзірленді. Пренатальдық және неонатальдық скринингтердің әдістері, ұрықтың жатырішілік патологиясы кезіндегі фетальдық терапиясы енгізілді. Жүктіліктің, ана өлімінің, ауыр жағдайдағы науқастардың және нәрестелердің регистрлері жасалды. Бұл өз кезегінде арнайы бригадалардың келуі, науқастарды өз қолдарымен тасымалдау, емдеу және диагностикалау бойынша жедел телекеңестер сияқты шұғыл шаралар қабылдауға мүмкіндік береді.

Атқарылған шаралар түсіктер санын 79% төмендету арқылы фертильдік жастағы әйелдердің ұрпақты болу денсаулығын жақсартуға мүмкіндік туғызды. Тек ана өлімі ғана емес нәресте өлімі де, негізі бала өлімін құрайтын 1000 тірі туған балаға шаққандағы 13,4 дейін төмендеді.

Пренаталдық скрининг енгізу есебінен: УДЗ диагностикалау және генетикалық маркерлерін анықтау арқылы 1132 хромосомдық патологиясы бар және жүкті кезінде өлімге әкелетін туабіткен даму ақауы бар туылуы керек 8867 бала алдын ала анықталды. Соңғы 6 жылда туылған балаларда туабіткен гипотериоз және фенилкетонурияның  260 жағдайы анықталды, яғни бұл балалар мүгедек болмаған, олар оңалту және қажетті терапиясын алуда.  

Конференция қорытындысы бойынша диагностика, терапия және патологиялық жағдайлардың алдын алудағы жаңа көзқарастар және заманауи технологиялар  аясында перинаталдық және ұрпақты болу денсаулығын жақсарту бойынша қарар қабылданады.

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды