ДСҰ Қазақстанға әлемдік нарықты ашуға мүмкіндік береді - депутат

«Қазақстанның ДСҰ-ға енуі өте маңызды. Оған ену жіті зерттеуді қажет етті. Қазақстандық бизнес ДСҰ аясындағы бәсекелестікке төтеп бере алуы тиіс. Біз дамушы мемлекет болып табыламыз, сондықтанда бізге қолайлы жағдайлар көбірек жасалады деген ойдамын», - деді сөз басында Т. Өмірзақов

Депутат атап өткендей, тұтынушылар сапасы жоғары әлемдік тауарларды арзан бағамен сатып алатын болады.

«Бұл тек жай адамдарға ғана емес, сонымен қатар бизнес өкілдеріне тиесілі. Олар өздеріне қажетті құрал-жабдықтарды шет мемлекеттерден импорттайды. Оның үстіне еркін сауда, саясатты жұмсарту бәсекелестікті дамытуға сеп болады, бұл ДСҰ-ның басты мақсаты», - деп толқытырды Т. Өмірзақов.

Оның айтуынша, тек Дүниежүзілік сауда ұйымы арқылы ғана Қазақстан өзіне күллі әлемдік нарықты аша алады.

«ДСҰ арқылы әлемдік сауданың 98% өтеді. Егер біз оған енбегенімізде одан ары тауарларды белгілі бір кедергілер арқылы алар едік. Бізге бұл қаумыдастықта болу өте пайдалы», - деп қадап айтты депутат.

Сарапшының пайымынша, экономикалық тиімділіктің бірінші көрінісі ол алдын ала білу және әлемдік сауданы жүргзу тәртібінің қауіпсіздігі болмақ.

Естеріңізге сала кетейік, ҚР-ның ДСҰ-ға енуі туралы келіссөздер 19 жыл бойы жүргізіліп келді. 2015 жылдың 22 маусымында Женевада жұмыс тобының соңғы отырысы өтіп, ресми түрде Қазақстанның Дүниежүзілік сауда ұйымына енуі туралы келіссөздердің аяқталғаны туралы абарланды.

Ботагөз Айтжанова