• Басты
  • Қазақстан мен Ұлыбритания киберқылмысқа қарсы тұру саласында ынтымақтасуға мүдделі
24 Маусым, 2015 10:39

Қазақстан мен Ұлыбритания киберқылмысқа қарсы тұру саласында ынтымақтасуға мүдделі

Қазақстан Республикасының Бас Прокуроры Асхат Дауылбаев Ұлыбританияның Қылмыспен күрес жөніндегі ұлттық агенттігінің Орталық Азиядағы Аймақтық үйлестірушісі Фредерик Хеллонмен кездесті, деп хабарлады ведомство.
Қазақстан мен Ұлыбритания киберқылмысқа қарсы тұру  саласында ынтымақтасуға мүдделі

Сұхбаттың негізгі тақырыбы киберқылмысқа қарсы тұру саласындағы өзара ықпалдастық мәселесі болды. Екіжақты ынтымақтастық мәселелері, оның ішінде бірлескен жедел-іздестіру шараларын жүргізу, құқықтық көмек көрсету, ақпарат және тәжірибе алмасу, екі ведомство арасындағы байланыстарды нығайту мәселелері талқыланды.

А.Дауылбаев Қазақстан мен Ұлыбританияның құқықтық жүйелері арасында қалыптасқан қарым-қатынастарды одан әрі дамыту тұрғысынан Ұлыбританияның заманауи әлемдегі қауіп-қатерлерге қарсы тұру саласындағы тәжірибесінің молдығын атап өтті. Ол киберқылмыспен күрестегі өзара ықпалдастықты тереңдетудің өзектілігін атап өтті және интернет-индустрияның киберқорғанысы саласындағы британдық алдыңғы қатарлы тәжірибені зерттеуге қатысты мүдделілігін растады.

Сондай-ақ Қазақстанның Бас Прокуроры өзаралық қағидасы негізінде құқықтық көмек көрсетуге дайын екендігін білдірді.

Әңгімелесу барысында екі ел арасындағы шарттық-құқықтық базаны кеңейту мәселелері туралы да сөз болды.

Аймақтық үйлестіруші қазақстандық прокуратураның мемлекеттің халықаралық-құқықтық саясатын жүзеге асырудағы қызметін жоғары бағалай отырып, заңдылық пен аймақтық қауіпсіздікті қамтамасыз ету бойынша ортақ стратегиялық міндеттерге байланысты мүдделі ынтымақтастық мәселелерін жалғастыра беруге деген ықыласын білдірді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды