KAZNEX INVEST әлемнің 8 елінде өкілдік ашады

23 Маусым, 2015 11:31

KAZNEX INVEST әлемнің 8 елінде өкілдік ашады, деді ҚР Президенті жанындағы ОКҚ брифингінде «KAZNEX INVEST экспорт және инвестиция бойынша ұлттық агенттігі» АҚ басқарма төрағасы Бөрісбай Жанғұзаров.

«Қазір жұмыс әр түрлі елдермен жүргізілуде, KAZNEX INVEST әлемнің 8 елінде өз өкілдігін ашады, ол барлық елдің инвесторымн қарым-қатынас орнатып жұмыс жүргізу үшін жүзеге асырылатын жұмыс. Бүгінгі таңда Қазақстанда және шетелде бизнес-форумдар өткізілуде», - деді ол.
Оның айтуынша, 5 институционалды реформа аясында жүзеге асырылып жатқан 100 нақты қадам бойынша жұмыс екі бағытта жүзеге асырылуда.

«Біріншіден, біз екінші бесжылдыққа таңдалған басым салаларды аламыз. Бұл – металлургия, мүнай-химия, мұнай өңдеу, машина жасау. Онда қазақстандық индустрияны дамыту институты басты жобаларды анықтады, олар осы салаларда жүзеге асырылатын болады. Біз аталмыш жобаларды өз мүмкіндіктерін асыру арқылы осында жүзеге асқанын қалаймыз», - деді ол.

Сондай-ақ, Жанғұзаров атап өткендей, Қазақстан аймақтарына қызығушылық танытып жатқан инвесторлар таңдалып алуда.

Индира Кауметова