Қазақстанда өндіруші салалардың қызметі ашық - ИЖТМ

18 Қазан, 2013 12:05

Кеше, Абиджан қаласында (Кот-д’Ивуар Республикасы) Өндіруші салалар қызметінің ашықтығы бастамасы (бұдан әрі - ӨСАБ) бойынша Халықаралық басқарма отырысы өтті, онда Қазақстанның Бастама стандарттарына сәйкестігі туралы мәселе қаралды, деп Индустрия және жаңа технологиялар қызметінің баспасөз қызметі хабарлады.

«Нәтижесінде, отырыста Халықаралық Басқарма ӨСАБ енгізу бойынша қабылданған күш-жігерлер және олардың Қазақстан Республикасындағы нәтижелері жоғары бағалауға лайық екендігі туралы қорытынды шешім қабылдап, Қазақстан Республикасына «ізбасар-ел» мәртебесін беру туралы жариялады», - деп хабарламада нақтыланған.

Қазақстан Республикасы 2005 жылы ӨСАБ стандарттарын енгізу бойынша міндеттемелерді қабылдағанын еске саламыз. ӨСАБ стандарттары өндіруші сектордағы компаниялар және үкімет табыстарының ашықтығына бағытталады. ӨСАБ-ты іске асыру халықаралық, саяси және жемқорлыққа қарсы күрес сипатындағы жоғары мәртебеге ие.

Үкіметтік емес сектордың өкілдерін Ұлттық кеңесте оңтайландыру үшін диалог алаңын құру бастамасы жасалды. 2015 жылға дейінгі іс-шараларды қамтыған ӨСАБ-ты іске асыру бойынша Жұмыс жоспары жаңартылды. Тараптардың өзара түсіністігі туралы меморнадум қабылданды, оған 2013 жылғы 9 қазанда ӨСАБ бойынша 5-ші ұлттық конференция барысында барлық ӨСАБ тараптары қол қойды. ӨСАБ-ты енгізу мерзімінде ӨСАБ бойынша 7 Ұлттық есептер жасалды.

Барлық жаңалықтар