Республикадағы ғылыми өндірістің 42% Алматы қаласының үлесі– А.Есімов
18 Қазан, 2013 10:33
Қазақстанның алдында көмірсутекті ресурс өндірісіне негізделген экономикадан Президенттің Қазақстан халқына «Қазақстан-2050» Стратегиясы Жолдауында айтылған «жасыл экономикаға» көшу тапсырмасы қойылған, Алматы қаласының әкімі Ахметжан Есімов VIII Азаматтық форумда.
«Алматы жаңашыл идеялар мен үлкен болашақтың орталығы. «Жасыл экономикаға» өту мегаполисіміздің басты басымдылықтарының бірі. Республикадағы ғылыми өндірісте Алматы қаласының үлесі 42%екенін ескерсек, осы бағыттағы қаламыздың алар орны да жоғары болмақ», - деді әкім.
Қала басшысының айтуынша, бүгінде алып шаһар электр үнемділігі мен экологиялық жағдайды бақылауға алудың кешенді шараларын қабылдауда.
«Қоғамдық көліктерді дамыту жылы» шеңберінде 2013 жылдың желтоқсан айында екінші коммуналдық автобус паркінің құрылысы аяқталмақ. 2014 жылы үшінші коммуналдық парктің құрылысы басталады деп жоспарлануда. Қала әкімдігі тарапынан газбен жүретін 400 автобус алдырылады. Осылайша транспортта экологияны сақтау жолындағы шаралар 50 пайызға артпақ.
