• Басты
  • ҚХА-ның 20 жылдығына орай «Қазақстан немістері – Астана мен Берлин арасындағы көпір» атты конференция өтеді

ҚХА-ның 20 жылдығына орай «Қазақстан немістері – Астана мен Берлин арасындағы көпір» атты конференция өтеді

18 Маусым, 2015 11:47
Биылғы жылдың қазанында еліміздің тарихында тұңғыш рет «Қазақстан немістері – Астана мен Берлин арасындағы көпір» атты халықаралық конференция ұйымдастырмақпыз, деді ҚХА мүшесі, «Қазақстан немістерінің «Возорождение» қауымдастығы» қоғамдық бірлестігінің төрағасы Александр Дедерер Орталық коммуникациялар қызметінде өткен баспасөз мәслихатында.

"Біздің қауымдастығымыздың негізгі бағыты әлеуметтік бағыттағы жұмыстар. Бұл жерде біз әлеуметтік желіні қалыптастыру мен құру ісіне белсенді атсалысудамыз. Біздіңше, Қазақстанның әлемдегі бәсекеге қабілетті елу елдің қатарына кіруде басым бағыттардың бірі – әлеуметтік сала болады. Біз Қазақстандағы түрлі құрылымдармен бірге жұмыс істейміз, Германиямен де. Биылғы жылдың қазақ айында біз ел тарихында тұңғыш рет «Қазақстан немістері – Астана мен Берлин арасындағы көпір» халықаралық конференциясын өткізбекпіз»,-деді А.Дедерер.    

Оның сөзінше, қауымдастық өзінің жұмысының барысында Мемлекет басшысы көтерген стратегияларды негізге алады, нақтырақ айтқанда олар бейбітшілік пен қоғамдық келісімді қалыптастыру, сондай-ақ қазақстандық бірлікті нығайту.   

«Біз ұйым аясында Германияда тұрып жатқан өзге де отандық құрылымдарымен байланыста жұмыс істейміз. Біз тек  Президент айтпақшы гуманитарлық көпірді ғана емес, экономикалық көпірді де қалыптастырудамыз. ҚР Инвестициялар және даму министрлігімен бірлесіп, жыл басында Франкфурт қаласында кездесу өткізіп, оған 200 кәсіпкер қатысты, олардың барлығы да біздің жерлестеріміз, сондай-ақ онда бизнесті қолдау бойынша мемлекеттік бағдарламаның таныстырылымы болды»,-деді А.Дедерер.

Оның сөзінше, Германиядағы жерлестер Қазақстанды таныстыруда үлкен маңызға ие.  

Ботагөз Айтжанова

 

 

 

 

 

Барлық жаңалықтар