• Главная
  • Астанада қазақстандық медицина қызметкерлерін «Кәсібінің үздігі» республикалық байқауының қорытындысы бойынша марапаттайды
18 июня, 2015 11:36

Астанада қазақстандық медицина қызметкерлерін «Кәсібінің үздігі» республикалық байқауының қорытындысы бойынша марапаттайды

ҚР Денсаулық сақтау және әлеуметтік даму министрлігінің мамандары жыл сайын маусым айының үшінші жексенбісінде атап өтілетін Медицина қызметкерлері күні аясында«Кәсібінің үздігі» республикалық байқауының қорытындысын шығарды, деп хабарлады Денсаулық сақтау және әлеуметтік даму министрлігі.
Астанада қазақстандық  медицина қызметкерлерін  «Кәсібінің үздігі» республикалық байқауының қорытындысы бойынша марапаттайды

Байқауға өз аталымдары бойынша өңірлік байқаулардың жеңімпаздары болған Қазақстанның барлық өңірлерінің медицина қызметкерлері қатысты. Жеңімпаздарды ҚР ДСӘДМ, Республикалық денсаулық сақтауды дамыту орталығы, медициналық ұйымдар және үкіметтік емес ұйымдардың өкілдерінен құралған арнаулы комиссиялар анықтады.

Байқау барысында әрбір қатысушы өзінің кәсіби қызметі жөнінде есебін ұсынып, таныстырылым жасады. Жеңімпаздарды анықтау барысында олардың біліктілік деңгейі, жұмыс өтілдері, салаға қосқан жеке үлесі есепке алынды.

«Үздік дәрігер»,«Үздік ауыл дәрігері»,  «Үздік менеджер,«Үздік мейіргер», «Үздік фельдшер», «Үздік денсаулық сақтау саласының тәуелсіз сарапшысы» , «Үздік ЖОО оқытушысы», «Үздік колледж оқытушысы» «Үздік түлек» «Үздік ғалым» «Үздік санитар дәрігер», «Үздік провизор» - «Жаңамед-ПВ» аталымдары бойынша қызметкерлер марапатталады.

«Мейірім» аталымында КСРО және Қазақ КСР құрметті доноры, қан донациясы саны жағынан әлемде 2 орынды алатын Александр Скаковский жеңімпаз боп танылды.   

Байқауда үздік шыққандар 19 маусымда Астанадағы Бейбітшілік және келісім сарайында өтетін Медицина қызметкерлері күніне арналған салтанатты шарада марапатталады.