Сенаттың комитетінде мақта саласын дамыту және өсімдіктер карантині туралы заңжобалары қарастырылды
Құжат еліміздегі мақта өндірісін мемлекеттік реттеу жүйесін жетілдіру мақсатында жасақталды, деп хабарлады Сенаттың баспасөз қызметі.
Заңжобасында ҚР-ның «Мақта саласын дамыту туралы» заңына өзгертулер мен толықтырулар енгізілуде. Олар заңда көрсетілген мақтаны өңдеу ұйымдарының кәсіпкерлік қызметіне кедергі келтіретін барлық шектеулерді алып тастауды көздейді.
Бұдан басқа, сенаторлар «Өсімдіктерді карантиндеу туралы» Қазақстан республикасының заңына өзгертулер мен толықтырулар енгізу туралы» заңжобасын қарастырды.
Аталмыш заң жобасын қабылдау өсімдіктерді карантиндеу саласындағы қызметтің тиімділігін арттырып, фитосанитария қауіпсіздігі саласындағы құқықбұзушылықтарды азайтады. Сонымен қатар, аталмыш саладағы ұлттық заңнама халықаралық талаптарға сәйкестендіріледі.
Құжаттар палатаның қарауына жіберілді.
