Қазақстандық титанның әлемдік сегменттегі үлесін 20%-ға дейін арттыру жоспарлануда

17 Маусым, 2015 16:59

Қазақстандық титанның әлемдік сегменттегі үлесін бүгінгі 11%-дан 20%-ға дейін арттыру жоспарлануда, деп мәлімдеді ҚР Премьер-Министрінің бірінші орынбасары Бақытжан Сағынтаев Астанадағы Тау-кен металлургияның «Astana Mining & Metallurgy» VI-шы халықаралық конгресі барысында.

«Елбасы елімізді одан ары дамыту мақсатында Қазақстанда 5 институционалды реформаны жүзеге асыратын 100 қадамды белгілеп берді. Тау-кен металлургия саласында осы саладағы әлемдік деңгейде танымал трансұлттық компанияларды тарту жоспарлануда. Бүгінде бізде «Арселлор», «Евразхолдинг» сынды компаниялар жұмыс істеуде. Бірінші кезекте қазақстандық титанның әлемдік сегменттегі үлесін бүгінгі 11%-дан 20%-ға дейін арттыруды көздеп отырмыз», - деді Б. Сағынтаев.

ҚР Премьер-Министрінің бірінші орынбасары атап өткендей, пайдалы қабалып қоры бойынша халықаралық жүйенің есепті стандарттары енгізілмекші.

«Тау-кен саласында жер қойнауы мен жер қойнауын пайдалану құқығын Батыс Австралия әдісі бойынша жеңілдету көзделуде. Ол үшін «Жер қойнауы мен жер қойнауын пайдалану туралы» кодексті жасақтау жұмыстары қолға алынды. Бұдан басқа, Қазақстан 2018 жылы Дүниежүзілік тау-кен конгресін өткізуге дайындалуда», - деді Б. Сағынтаев.

Ботагөз Айтжанова

Барлық жаңалықтар