Ақмола облысында мектептердің 90 пайызы жаңа жылыту маусымына дайын

18 Маусым, 2015 10:19

Ақмола облысы әкімінің орынбасары Дулат Нұрмолдин 2015-2016 жылдар аралығындағы жылыту маусымына дайындық барысымен танысу мақсатында Аршал ауданында болды, деп хабарлайды Ақмола облысының ішкі саясат басқармасына қарасты «Ақмола Медиа Орталығы».

Аймақтарды аралап, ондағыпроблемалармен танысқан әкім аудандық әкімдік залында арнайы мәжіліс өткізді. «Бүгінде ауданда барлығы 98 нысанды жылыту маусымына дайындау керек, оларға жылу беру ісімен 5 ұйым айналысады. Олардың барлығы да қазір қажетті жөндеу жұмыстарымен айналысуда. Сонымен қатар, білім беру саласы бойынша мектептер мен мектепке дейінгі мекемелердің 90 пайызы жылыту маусымына дайын. Алайда, кейбір жерлерде аздаған ағымды жөндеу жұмыстары қажет»,-деді Аршалы ауданы әкімдігінің өкілдері.

Сондай-ак әкімдік өкілдері облыс басшысының орынбасары аймақтағы жөндеу, реттеуді қажет етін және проблема тудырып оытрған мәселелер туралы да хабардар етті. Өз кезегінде Д.Нұрмолдин әкімдік өкілдеріне жоспарланған және атқарылуы тиіс жұмыстардың барлығын 1-тамызға дейін аяқтап, 2015-2016 жылдардағы жылыту маусымын ұйымдасқан түрде бастауды тапсырды. Ақмола облысы әкімінің жарлығы бойынша аймақтағы білім беру мен денсаулық сақтау нысандарын жылыту 2015 жылдан басталуы қажет, ал осы жылдың 1-қазанынан бастап, барлық тұтынушыларға жылу беріледі.

Барлық жаңалықтар