Қазақстан мен Оңтүстік Корея ШҚО-да жаңа полиметалл кен орнын анықтауда бірлесіп жұмыс істейді

17 Маусым, 2015 15:38

Астанадағы Тау-кен металлургияның «Astana Mining & Metallurgy» VI-шы халықаралық конгресі барысында «Қазгеология» АҚ мен «Korea Resources Corporation» оңтүстік кореялық корпорация полиметалл кеніне бай жаңа кенорындарын анықтауға бағытталған бірлескен жобаны Шығыс Қазақстан облысында жүзеге асыру бойынша өзара түсініктік туралы меморандумға отырды.

Меморандум Шығыс Қазақстан облысындағы Новокрестьянск және Черкасовск учаскелерінде полиметаллды барлау бойынша бірлескен жобаны жүзеге асыруда серіктестікті көздейді.

«Ағымдағы жылы біз Қарағанды облысында «Дүйсембай» полиметалл кені учаскесін барлау» жобасы бойынша геологиялық барлау жұмыстарын бастаймыз», - деді «Қазгелогия» АҚ Басқарма төрағасы Ғалым Нұржанов.

«Korea Resources Corporation» оңтүстік кореялық корпорациясының вице-презмденті Шин Ким Хымның айтуынша, оңтүстік кореялық корпорация алдағы үш жылда тағы 2 млн долларды инвестициялауды жоспарлауда.

«Біздің компания мен «Қазгеология» екі жобаны жүзеге асыруды жоспарлар отыр. Ол біз үшін қаншалықты маңызды болса, қазақстандық тарап үшін де соншалықты маңызды. Бұл Қазақстанмен металлургия саласында одан ары серіктестікті білдіреді. Қазақстан біз үшін өте маңызды серіктес және біз Қазақтсанмен жұмыс істеу мүмкіндігін іздестіреміз. Мен ҚР Үкіметі бұдан да үлкен қолдау көрсетеді және біздің жұмысымызға қызығушылық танытады деген үміттемін», - деді «Korea Resources Corporation» вице-президенті.

Корпорация қызметінің басым бөлігі Корея Республикасы аумағында және одан тыс жерлерде пайдалы қазбалар кенорындарын барлау. Бүгінгі таңда Оңтүстік Кореяның ұлттық корпорациясы 36 жоба бойынша бүкіл әлемде жұмыс істеуде.

Ботагөз Айтжанова

Барлық жаңалықтар