Т. Дүйсенова: 2015 жылы алғашқы медициналық көмек көрсету ісіне жеке меншіктегі ұйымдардың араласуы 17 пайызға артты

«Медициналық көмекті қаржыландырудың жаңа нормативтерін қолданудың негізгі нәтижелерін біз 2014 жылға дейін барлық облыстарда бірдей еткенбіз. Алғашқы медициналық көмек нақты аймақтың мүмкіндіктеріне қарай қаржыландырылады және барлық медициналық мекемелер бірдей көлемде қаржыландыруға мүмкіндік алды. Қаржыландыру көлемі артқан соң, әрине ынталандыру жүйесі енгізілді, өз кезегінде аталған шаралар медицина саласында жалақының өсуіне алып келді»,-деді министр.   

Оның сөзінше, бұл тәсіл аймақтарға мамандарды тартуға ықпал етеді. «Бұрын жеке сектор бұл іске тартылмайтын, биылғы жылы оларды алғашқы медициналық көмек ісіне тарту 17 пайызға артты. Біз бұл жағдайдың бәсекелестіктің артуына ықпал етіп, артынша, көрсетілетін көмектердің сапасын арттыруға ықпал етеді деген ойдамыз»,-деді Т.Дүйсенова.     

Сонымен қатар, ол үкіметтің денсаулық сақтау саласына жаңа технологиялардың енгізілуін қолдап отырғандығын атап өтті.   

«Еліміздің аймақтарында мамандар жетіспейді, алайда бүтіндей алғанда үкіметтің денсаулық сақтау саласына жаңа технологиялардың енгізілуін қолдап отырғандығын атап өту керек. Сонымен қатар, «100 қадам» Ұлт жоспарында да жеке секторды медицина саласы мен медицина мекемелерін басқаруға тарту мәселесі қарастырылған»,-деп түсіндірді министр.  

Бұған қоса ол дәрі-дәрмек препараттарына деген шекті бағалар белгіленгендігін айтты.

Индира Кауметова