Астанада алғаш рет «Нұрлы Есіл» сазды- лазерлік пиротехникалық шоу өтеді

17 Маусым, 2015 12:31

Астана күніне арналған «Нұрлы Есіл» сазды- лазерлік пиротехникалық шоуы елордада алғаш рет 4-5 маусым аралығында өтеді, деді «Астана қаласының мәдениет басқарасы» мемлекеттік мекемесінің жетекшісі Болат Мажағұлов Орталық коммуникациялар қызметінде.

«Тағы бір қызықты әрі кең ауқымды іс-шара өтеді Астанада – ол «Нұрлы Есіл» үлкен мультимедиялық пиротехникалық шоуы. Бұл теңдессіз визуалды көрініс 4-5 маусым аралығында Есіл өзенінің акваториясында қазіргі заманғы пиротехникалық технологиялардың қолданылуымен өтеді»,-деді Б.Мажағұлов.

Оның сөзінше, аталған шараның ерекшелігі ашық су ортасында орналасқан оркестрлік сахналық платформа болады.

«Оркестрдің репертуарында қазақ халық шығармашылығындағы тамынал қазақ әндері мен классикалық композициялар бар. Сахнаның маңайына орналастырылатын биіктігі әртүрлі субұрқақтардан ең соңғы түсті лазерлердің көмегімен бейнеленетін түсті бейнероликтер көрсетіледі. Сонымен қатар, эстрадалық-симфониялық оркестрдің орындауымен дәлме-дәл орындалатын пиротехникалық шоу қалың көпшіліктің таңданысын тудырары хақ. Біз музыкалық-лазерлік пиротехникалық шоудың көптеген қонақтарды тартатындығына сенімдіміз»,-деді ол.

Айта кетейік, Астана күнін ресми түрде атап өту 4 маусымда Мемлекеттік туды көтеру салтанатты рәсіміне басталады.

Анар Тәңірқұлова