К.Мәсімов: ҚР-ның алдағы 3 жылға арналған бюджеті шикізаттың барынша төмен бағаларына негізделеді (ФОТО)

«Біздің ойымызша, алдағы 3-5 жылдың көлемінде біз ресурстар мен шикізат өнімдеріне деген бағаның және экспортталатын тауарлар бағасының төмендігі жағдайында өмір сүреміз. Сондықтан да біз қазір қолға алып отырған бюджетті алдағы 3 жылға қалыптастыру жұмыстары шикізат тауарлары мен негізгі экспорт таураларының бағасының төмендігіне негізделетін болады. Бұл өз кезегінде кейбір бағдарламалар мен бюджеттік шығыстарды қайта қарауға мәжбүрлейді»,-деді Премьер-Министр.

Бұған қоса, Үкімет басшысының айтуынша, Қазақстанда белгілі бір экономикалық үдерістер жүріп жатыр, әрине, мұндай үдерістер әлемдік экономикада да бар және олар біздің ішкі қамтуымызға әсер етуде. «Өткен жылдың екінші жартысында біз бірқатар экономикалық үдерістердің баяулағандығын көрдік. Олар тауарларға деген бағаның төмендеуі, біздің экспорттық тауарларымыз бен шикізат ресурстары. Бұның барлығы да бюжжеттің атқарылуына септігін тигізді. Сол себепті біз үлкен белгісіздіктің болғандығын ескере отырып, жылдың екінші жартысында біршама түзетулер енгізуге дайын болуымыз керек»,-деді Премьер-Министр.   

Индира Кауметова

Фото Азамат Әлиев