Астанада Елорда күніне орай 70 шара өтеді
17 Маусым, 2015 11:13
Осы жылы елорданың туған күніне орай 70 шара өтеді, оның ішінде республикалық және халықаралық дәрежедегі шаралар бар, деді Орталық коммуникациялар қызметінде «Астана қаласының мәдениет басқармасы» МБ жетекшісі Болат Мажағұлов.
Осы жылы «Ел жүрегі – Астана!» лейтмотивімен шаралар өтеді. Өткізілетін шаралар бір тақырып пен топтамада біріктірілетін болады. Мерекелеудің басты тақырыбы Қазақ хандығының 550 жылдығы, ҚХА 20 жылдығы, ҚР Конституциясының 20 жылдығына арналады», - деді Б. Мажағұлов.
Оның айтуынша, осы жылы елорда күніне орай 70 шара ұйымдастырылады, оның ішінде республикалық және халықаралық шаралар да өтеді.
«Салтанатты шарамен 500 мың астаналық пен қала тұрғынын қамту қарастырылған. Осы жылғы мерекенің ерекшелігі шаралардың барлығы ашық алаңда өтеді, ол тамашалаушылардың қатарын сиретпей барлығына бірдей мерекелік көңіл күй сыйлайды», - деді ол.
Анар Тәңірқұлова
