ҚР Қарулы Күштері оқу үздігінің офицерлерімен толықтырылуда (Фото)

18 Маусым, 2015 10:04

Қазақстан мен шетелдің барлық білім беру әскери мекемелерінде оқу жылы аяқталып келеді. Ресей Федерациясында білім алған әскери ЖОО-дың түлектері қазақстандық курсанттар қазір қатынас қағаздарын алып, қызметке таратылатын болады, деп хабарлады Қорғаныс министрлігі.

Артиллерияның бас маршалы Н.Н. Ворнов атындағы Пенза артиллериялық инженерлік институтының түлегі, үздік диплом иесі лейтенант Әлихан Базарбаев қатынас қағазын алып, ҚР ҚК Құрлық әскерлеріне қызмет етуге жіберілетін болады.

«Менің отбасым: анам, әкем және ағам – әскери адамдар, мен кішкентай кезімнен әскери болуға талпынып келемін. Мен әрі қарай еліме қызмет еткім келеді. Әскери жоғары оқу орны адамның ой-өрісін дамытады. Өйткені, анағұрлым жауапты әрі жинақы боласың, «өмір мектебі» сатысынан өтесің. Қазақстандық курсанттар өздерінің өнегелі тәртібімен ерекшеленеді, біздегі білім деңгейі жоғары» - деді түлек.

«Мен бала кезімнен әскери болғым келді, өйткені менің әкем әскери адам. Енді Отан алдындағы борышымды өтеп, Қазақстан Республикасына қызмет еткім келеді. ҚР Қарулы Күштерінің әскери қызметшісі атағын, иықбелгі тағуды абырой деп есептеймін», - деді маршал А.И. Прошляков атындағы Тюмень жоғары әскери-инженерлік командалық училищесінің түлегі лейтенант Далер Абдуллоев.

Жас әскери инженерлер жақын арада Қазақстанға оралды және ҚР Қарулы Күштерінде әскери қызмет етуге ресми түрде кіріседі.