Испания ЭКСПО-2017 көрмесіне қатысатынын растады
Испания СІМ басшылығымен келіссөздер барысында қос тарап екі ел арасындағы ынтымақтастықтың жоғары деңгейі мен Испания Королінің Қазақстанға сапарын ұйымдастырудың маңыздылығын атап өтті. ЭКСПО-2017 комиссары Елбасы атынан Х. М. Гарсия-Маргальоға Испания Королі мен Премьер-министрінің атына ЭКСПО-2017 көрмесіне қатысуға бірегей шақырту қағазын берді. Осы ретте, Р. Жошыбаев атап өткендей, Астанада аталмыш халықаралық көрмені өткізу идеясын Президент Н.Назарбаев Сарагоста өткен ЭКСПО-2008 көрмесіне қатысқаннан кейін ұсынды.
Сауда бойынша мемлекеттік хатшы қазақстандық-испаниялық үкіметаралық комиссияның тең төрағасы Х. Г. Легас-Понсемен кездесу барысында ЭКСПО-2017 көрмесіне корпоративті қатысушыларды тарту шін экономикалық блоктағы салалық мемлекеттік органдардың өзара қарым-қатынас мүмкіндіктері қарастырылды.
Аталып өткендей, дән осы күні Р. Жошыбаев пен Х. Г. Легас-Понсенің төрағалығымен 70-тен астам жетекші испандық компаниялардың қатысуымен бизнес-форум өтті. Оған қатысушылар Қазақстанның елордасында өтетін ірі көрмеге дайындық пен өткізуге атсалысуға дайын екенін жеткізді.
Испанияның Даму министрлігіндегі кездесуде Мемлекеттік хатшы Х. Гомес-Помар, Астанада өткелі жатқан ЭКСПО-2017 көрмесі қазақстандық-испандық стратегиялық серіктестікке серпін беруі тиіс, деп атап өтті.
Туризм бойынша мемлекеттік хатшы И. Боррего Кортеспен келіссөздер барысында тараптар туризмді дамыту, аталмыш салада мамандарды даярлау бойынша тәжірибе алмасуға уағдаласты. Кездесу қорытындысы бойынша «Астана ЭКСПО-2017» ҰК мен Испанияның «TURESPAÑA» жетекші туроператорлар қауымдастығымен серіктестік туралы Меморандумға қол қойылды, деп атап өтілген хабарламада.
