Павлодар облысының аудандық және қалалық аурухана автопаркін 38 жедел жәрдем көлігі толықтырды
17 Маусым, 2015 10:02
Облыстық бюджеттен бөлінген 71 млн. теңге сомасына өңірдің медициналық мекемелері үшін жаңа 38 автокөлік сатып алынды. Павлодар облысындағы елді мекендердегі денсаулық сақтау саласының материалдық-техникалық базасын нығайтуға облыстық бюджеттен 360 млн. теңге бөлінді.
Облыс әкімдігі хабарлағандай, еліміздегі медициналық сала қызметкерлері күніне орай Павлодар облысының әкімі Қанат Бозымбаев өңірдің аудандық және қалалық ауруханаларының бас дәрігерлеріне жаңа жедел жәрдем автокөліктерінің кілттерін табыс етті.
«Біз өңіріміздің ауылдық жердегі жедел жәрдем қызметтеріне баса мән береміз. Тұрғындарға көрсетілетін жедел жәрдем қызметінің сапасы 98%-ға өсті, 1-3 санаттағы шақырту бойынша жедел жәрдем бригадасының жету уақыты 9 минутқа дейін қысқарды. Осы жаңа автокөліктерге отырған медициналық бригадалар науқас жандарға сапалы және жедел медициналық қызмет көрсетеді деп сенеміз, - деп атап өтті аймақ басшысы Қ. Бозымбаев.
