«100 қадам» бағдарламасын жүзеге асыру тұрғындардың өмірін жақсартады –сарапшы

«Институционалды реформалар Қазақстанға керек. Негізгі күшті экономикалық жағынан белсенді әрбір субъектіні ынталандырып, оның бойындағы бар әлеуетін пайдалануға мүмкіндік беретін институттарды құруға салу керек»,-деді Е.Хон.  

Сарапшының сөзінше, бірінші кезекте, тұрғындарды есепті мемлекет қалыптастыру ісі бойынша тиісті шешімдер қабылдауға тарту керек. Бұл тұрғындардың өмір сапасын айтарлықтай арттыратын болады.  

«Қазақстандағы жергілікті өзін өзі басқаруға келетін болсақ, осыдан екі жыл бұрын қабылданған өзін-өзі басқаруды жетілдіруге бағытталған тұжырымдамаға қарамастан, тұрғындар осы күнге дейін шешімдер қабылдау үдерісіне тартылмаған. Меніңше, тұрғындардың тікелей сайлауы арқылы әкімдердің сайланбалылығына қол жеткізу керек, сонда әкім есеп беретін болады. Егер оның жұмысы қанағаттанарлықсыз болса, ол өз орнында көп отырмайды. Сонымен қатар, тұрғындар өзінің округінде немесе ауылында танымал, сол ауыл туралы жақсы білетін азаматты таңдай алады. Осындай мәліметтерді біле отырып, ол өзінің ауылында қандай мәселелердің бар екендігін біліп, соларды шешуге күш салады. Болашақта әкімдерді сайлау мен олардың тұрғындарға есептілігі шалғай жатқан аймақтардағы адамдардың өмір сапасын көтеруге мүмкіндік береді»,-деді ол.       

Анар Тәңірқұлова