«Бәйтерек» холдингі 7 мыңнан астам пәтерді сатып алу бойынша келісімге отырды

Оның айтуынша, «Нұрлы жол» бағдарламасы жүзеге асырыла бастағалы «Бәйтерек» холдингі тұрғын үйлерді сатып алу және құрылысын жүргізу, Өңірлерді дамыту 2020 бағдарламасының жаңа өлшемдеріне сәйкес жобалық-сметалық құжатнаманы түзету және 2013-2014 жылдардың нысандарының проблемаларын шешу  бойынша айтарлықтай жұмыстар жүргізді.

Нәтижесінде, Холдинг мәліметтері бойынша бүгінгі таңда жалпы сомасы 63,6 млрд теңгені құраған  аумағы 417,6 мың шаршы метр (7208 пәтер) 43 нысан бойынша келісімге қол қойылды. Олардың ішінде жалпы сомасы 53,3 млрд теңгені құрайтын аумағы 344,2 шаршы метр (5929 пәтер)  36 нысан келісім бойынша 2015 жылы пайдаланылуға беріледі.

Ал, 2016 жылы жалпы сомасы 10 млрд теңгені құрайтын аумағы 72,9 мың шарты метр (1279 пәтер) 7 нысан пайдаланылуға беріледі.

«Қол қойылған келісімдер ішінен 194,8 мың шаршы метр немесе 3295 пәтер сатып алынды, ал құрылыс көлемі  222,8 шаршы метрді немесе 3913 пәтерді құрады. Бүгінгі таңда құрылыс Шымкент, Тараз, Семей, Қызылорда, Орал, Павлодар, Талдықорған, Өскемен мен Петропавл қалаларында жүргізілуде», - деп атап өтті ол.

Қол қойылған келісімдер бойынша бөлінген 121,7 млрд теңгенің 27 млрд теңгесі игерілді.