Қырғызстан Қазақстан халқы Ассамблеясының тәжірибесін зерттемекші

16 Маусым, 2015 16:53

Қазақстан халқы Ассамблеясы – теңдесі жоқ тәжірибе және ол өзге мемлекеттер тарапынан соның ішінде Қырғызстан тарапынан да зерттеуге лайықты, деді Қырғыз Республикасы Жогорку Кенешінің төрағасы Асылбек Жеэнбеков Астанада Қазақстан халқы Ассамблеясының 20 жылдығына арналған «Қазақстандық жол: Бірлік. Патриотизм. Реформалар» атты халықаралық конференция барысында.

«Қазақстан халқы Ассамблеясы – теңдесі жоқ тәжірибе және ол өзге мемлекеттер тарапынан соның ішінде Қырғызстан тарапынан да зерттеуге лайықты. Біз үшін ұлтаралық келісім маңызды мәселе, біз екі этникалық шиеленісті бастан өткердік, соңғы 5 жылдағы мемлекет саясатының басты бағыттарының бірі Қырғызстанда тұрып жатқан ұлттар арасындағы, нақтырақ айтқанда 820-дан астам этностардың арасындағы татулықты қамтамасыз ету болды. Қазақстан тәжірибесінің ерекшелігі – ҚХА Нұрсұлтан Назарбаевтың өзі басқарады және осы саланың қызметін үйлестіреді, сондай-ақ Президенттің жылдағы жұмысы көпұлтты Қазақстандағы бірлікті нығайту болып отыр – бұл теңдесі жоқ тәжірибе»,-деді Асылбек Жеэнбеков.

Естеріңізге сала кетейік, ҚР Парламенті Мәжілісінде Қазақстан мен Қырғызстан арасында ынтымақтастық жөніндегі Парламентаралық кеңес құру туралы келісімге қол қойылды. Аталған келісім екі елдің ынтымақтастығы мен бірлескен қимылдарын алдағы уақытта жаңа деңгейге көтеруге мүмкіндік береді.

Ботагөз Айтжанова

Барлық жаңалықтар