• Басты
  • Қазақстанда 2016 жылы отбасыларға қолдау көрсету қызметі құрылады
16 Маусым, 2015 13:27

Қазақстанда 2016 жылы отбасыларға қолдау көрсету қызметі құрылады

Қазақстанда 2016 жылы қиын жағдайға тап болған отбасыларға қолдау көрсету қызметі құрылады, деп мәлімдеді ҚР БҒМ Балалар құқығын қорғау комитетінің төрайымы Зәбира Оразалиева әлеуметтік жетімдіктің алдын алуға арналған дөңгелек үстел барысында.
Қазақстанда 2016 жылы отбасыларға қолдау көрсету қызметі құрылады

«Министірлік отбасылық құрылыстың жаңа үлгілерін қарастыратын жоба тұжырымдамасын жасақтады. Отбасыларға қолдау көрсету қызметінің басты мақсаты – отбасыларға әлеуметтік, заңды, психологиялық көмек көрсету. Қызметтің жұмысы отбасылық сәтсіздіктерді, қиын өмірлік жағдайларға тап болған балалар мен отбасыларды анықтауға және оларды оқытуға бағытталады», - деді  З.Оразалиева

Оның айтуныша, асырап алған балалар қайта балалар үйіне қайтарылатын жағдайларда көптеп кездеседі. Сондықтанда осы бағытта жұмыс істеу өте маңызды. Отбасыларға қолдау көрсету қызметінде заңгерлер, әлеуметтік педагогтар, қорғаушылар, психологтар мен әлеуметтік жұмыс саласында тәжірибесі мол мамандар жұмыс істейді деп күтілуде. Сонымен қатар, ҚР-да балалар үйі мен кәмілет жасқа толмағандарды оңалту орталықтарының жанынан 69 отбасыларға қолдау көрсету қызметі, 117 асырап алған ата-аналар мектебі жұмыс істеуде. Алайда бұл жеткіліксіз.

«Сараптама көрсетіп отырғандай жылына 900-ден астам ата-ана құқығынан айырылады, 2 мыңнан астам бала жетім балалар үйіне түседі. Ішкі істер органдарында 12 мыңнан астам жағдайы нашар отбасы тіркелген, оларда 18 мыңнан астам бала тәрбиеленуде. Бүгінгі таңда қоғамдық бастамалар негізінде 69 отбасыларға қолдау көрсету қызметі, 117 асырап алған ата-аналар мектебі құрылды. Алайда бұл қызметтер мен мектептердің қызметкерлері балалар үйіндегі балаларға ғана көмек көрсетеді, алдын-ала әрекет жасалмайды», - деп толықтырды З.Оразалиева.

Анар Тәңірқұлова

Барлық жаңалықтар