Қазақстанда мемлекеттік қызметшілердің жалақылары ұлттық компаниядағымен бірдей болуы керек – сарапшы

16 Маусым, 2015 13:06

Қазақстанда мемлекеттік қызметшілердің жалақылары ұлттық компаниядағылардікімен бірдей болуы керек. Бұл туралы Л.Н. Гумилев атындағы Еуразия ұлттық университетінің әлеуметтану кафедрасының меңгерушісі, әлеуметтану ғылымының докторы Айгүл Забирова Орталық коммуникациялар қызметінде өткен баспасөз мәслихатында айтты.

«Мемлекеттік деңгейде салмақты шешімдер қабылдайтын мемлекеттік қызметкерлердің жалақыларының деңгейі ұлттық компаниялардағы жалақы стандарттарына сәйкес болуы керек»,-деді А.Забирова.

Оның сөзінше, ол үшін мемлекеттік қызметкерлердің қызметіне мониторинг жүргізу керек. «Олардың есептілігін таңдау қажет болатын шығар. Алайда, біз Мемлекет басшысының 5 институционалды реформасында көрсетілген есеп беретін мемлекет пен үкімет нәтижесіне жеткізуі тиіс ұзақ жолдың басында тұрмыз»,-деді сарапшы.

Оның мәліметтерінше, бүгінде мемлекеттік қызметшілердің жалақылары мемлекеттік қызмет бойынша белгіленген межеге сай, алайда олардың ұлттық компанияларда алатын жалақылардан айырмашылығы өте көп. «Егер біз мемлекеттік құрылымдағы жалақылардың деңгейіне қарайтын болсақ, ең төменгі жалақыны санитарлар алады, бүгінде олардың жалақылары 36-37 мың теңге. Одан кейінгі кезекте медбикелер тұр, олардікі 45-48 мың теңгенің көлемінде. Сондықтан да, мемлекеттік қызметкерлердің орташа жалақылары 104 мың теңгенің көлемінде деу шын мәнінде аса қуантарлық емес»-деді ғалым.

Индира Кауметова

Барлық жаңалықтар