Қ.Жақыпов: Қазақстандықтардың тең құқықтылығы ҚР Конституциясында бекітілген

16 Маусым, 2015 11:52

Қазақстандықтардың тең құқықтылығы ҚР Конституциясында бекітілген, деді Парламент Мәжілісінің төрағасы Қабиболла Жақыпов Астанада өтіп жатқан Қазақстан халқы Ассамблеясының 20 жылдығына арналған халықаралық конференцияда.

«Барша қазақстандықтардың этникалық, тілдік, діни және әлеуметтік қажеттіліктер бойынша құқықтары тең, ол заң жүзінде ғана емес, тәжірибелік тұрғыда бекітілген. Ол біріншіден, ҚР Конституциясында бекітілген, ол құжатқа биыл 20 жыл толады. Конституция мен ҚХА – тек құрдастар ғана емес, бұл тұрақтиылық пен елдің қарқынды дамуының негізі. Біздің елде мәдениетті, тіл мен этностарды дамытуға барлық жағдай жасалған. Бұл факт және статистика да бәріне мәлім», - деді Қ. Жақыпов.

Оның айтуынша, Қазақстандағы мызғымаз тыныштықтың нәтижесі Қазақстан халқы Ассамблеясы болып саналады.

«Коенституциялық реформа нәтижесінде 2007 жылы ол конституциялық статусқа ие болып, елдің 9 Парламент депутатын таңдауға ие болды. 2008 жылы әлемде ұқсастығы жоқ заң қабылданды, ол – «Қазақстан халқы Ассамблеясы туралы» заң. Ассамблеядан шыққан 9 депутат елдің заңнамалық негізінің жетілуіне үлес қосып келеді. Қазақстандағы барлық ұлттың өкілдеріне қолдау көрсету нәтижесі елдегі тыныштық пен бейбітшіліктің орнағандығынан білінеді», - деді ол.

Ботагөз Айтжанова

Барлық жаңалықтар