• Басты
  • «Нұрлы жол» аясында логистикалық инфрақұрылымдарды дамытуға 14 млрд доллар бағытталады
16 Маусым, 2015 11:37

«Нұрлы жол» аясында логистикалық инфрақұрылымдарды дамытуға 14 млрд доллар бағытталады

«Нұрлы жол» бағдарламасы аясында алдағы үш жылда логистикалық инфрақұрылымдарды дамытуға 14 млрд доллар бағытталады, деп мәлімдеді ҚР Парламенті Мәжілісінің төрағасы Қабиболла Жақыпов Астанадағы Қазақстан халқы Ассамблеясының 20 жылдығына арналған халықаралық конференция барысында.
«Нұрлы жол» аясында логистикалық инфрақұрылымдарды дамытуға 14 млрд доллар бағытталады

«Еліміздің 2050 жылға дейін ұзақмерзімді даму стратегиясына сәйкес әлемнің дамыған 30 мемлекетінің қатарына енуіміз шарт. Осы мақсатта «Нұрлы жол» бағдарламасы жасақталды, оның аясында алдағы үш жылда логистикалық инфрақұрылымдарды дамытуға 14 млрд доллар бағытталады. Сәуле принціпі бойынша елордадан аймақтарға қарай бағытталған  автожол мен теміржол жолдары, көпірлер салынады, электр желілері тартылады, бұдан басқа, мектептер ауруханалар, ТКШ нысандары мен тұрғын үйлер бой көтереді», - деді Қ.Жақыпов.

Оның айтуныша, әлем экономикасындағы толқулар мен геосаяси тұрақсыздықтарға қарамастан Қазақстан тұрақты экономикалық өсім мен инвесторлар үшін тартымды екенін байқатуда.

«ИИДМБ аясында жаңа өндірістер құрылып, жаңа жұмыс орындары ашылуда, инновация енгізілуде. Біз БҰҰ-ның мыңжылдық дамуының басым мақсаттарына қолжеткіздік, кедейшілікті 20 есе азайттық ( 60%-дан 2,9%-ға дейін). Ауқымда әлеуметтік жаңғырту жүзеге асырылуда - жаңа мектептер мен университеттер, заманауи медициналық ауруханалар, спорттық құрылымдар салынуда, халыққа әлеуметтік қолдау көрсету жүйесі жетілдірілуде. Қазақстандықтардың мақтанышы - жаңа Астана, ол екі жылдан кейін «ЭКСПО  2017» халықаралық көрмесін қабылдайды. Осыдан 15 жыл бұрын Ұлттық қорды жасақтадық, онда шикізаттан түскен пайда жинастырылды. Қазақстандықтардың әл-аухатын арттыру үшін әлем экономикасындағы толқуларға қарамастан аталмыш қордан үш жыл бойы 3 млрд теңгеден ел экономикасына қолдау көрсету үшін бағытталып отырады», - деп атап өтті Қ.Жақыпов.

Ботагөз Айтжанова

Барлық жаңалықтар