Аягөз гарнизонының 50 сержанты курстық даярлықтан өтуде (Фото)

16 Маусым, 2015 10:34

Дене даярлығы, атыс қарудан және қаруланған әскери көліктерден ату, әскери автокөлік техникасын жүргізу бойынша нормативтерді тапсыру – бұның барлығы Аягөз гарнизонына қарасты бөлімдердегі әскери қызметшілердің 20 күндік курстық даярлық бағдарламасына енгізілген, деп хабарлады ҚР СІМ.

«10810 әскери бөлімінде практикалық сабақтар өрістетіліп, оған қатысуға алты әскери бөлімнің взвод сержанттары, бөлімше командирлері, бөлімшелер бастықтары лауазымдарында қызмет ететін 50 әскери қызметші тартылды», - делінген хабарламада.

Атап айтсақ, 20 күндік даярлық курсы әскери қызметшілердің өз шеберлігін жаңа сапалы деңгейде көрсетуге, сонымен бірге еліміздің Қарулы Күштеріндегі сержанттар құрамының жауынгерлік даярлығындағы жалпы көрсеткіштерді арттыруға ықпал етеді деп жоспарлануда.

Қазіргі уақытта Қазақстан Қарулы Күштеріндегі сержанттардың даярлығы аса маңызды болып отыр. Өйткені сержанттар корпусы армияның жауынгерлік мүмкіндіктерін нығайту жөніндегі маңызды міндеттерді атқарады. Бұл сарбаздардың жеке жауынгерлік және дене даярлығы, әскери тәртіпті қолдау мен әскери қызметшілерді тәрбиелеу, әскери қызметті өтеуде қауіпсіздік талаптарымен қамтамасыз ету, қару-жарақ пен әскери техниканы пайдалану болып табылады.

Барлық жаңалықтар