• Басты
  • «Қазатомөнеркәсіп» 9,5 млн теңгеге қызылордалық өнімді сатып алуды жоспарлауда (Фото)
16 Маусым, 2015 10:03

«Қазатомөнеркәсіп» 9,5 млн теңгеге қызылордалық өнімді сатып алуды жоспарлауда (Фото)

«Қазатомөнеркәсіп» ҰАК» АҚ басқарма төрағасы Асқар Жұмағалиев жұмыс сапарымен Қызылорда облысында болды. Облыстың оңтүстік аудандарындағы бірнеше өндіріс орындарын аралап, жұмысшылармен кездесті, деп хабарлады облыс әкімдігі.
«Қазатомөнеркәсіп» 9,5 млн теңгеге  қызылордалық  өнімді сатып алуды жоспарлауда (Фото) | Strategy2050.kz

Алдымен Асқар Жұмағалиев пен облыс әкімі Қ.Көшербаев Шиелі кентіндегі холдингтің еншілес кәсіпорыны «Уранэнерго» ЖШС-нің жұмысымен танысты. Бұл мекеме 9 кен орнын 11 қосалқы станция арқылы электр қуатымен қамтып отыр.

«Өткен жылы күн сәулесінен энергия алатын қондырғы орнатқан. Мұнда сағатына 250 кв/сағат энергия алынады. Мұнан соң «Қазатомөнеркәсіп-Демеу» ЖШС және «Сауда-көлік компаниясы» ЖШС-не қарасты нысандарды аралады»,- делінген хабарламада.

«Біз отандық тауар өндірушілерді қолдау аясында 2015-2016 жылдары 9,5 млрд теңгеге жергілікті кәсіпорындардан химиялық реагент (күкірт қышқылы), полимер құбырлар және басқа да өнімдерді сатып алуды жоспарлап отыр. Бұған байланысты Қызылорда облысы әкімдігімен меморандумға қол қойдық. Қуаныштысы, бізге қажетті өнімнің барлығы Қызылорданың өзінде өндіріледі екен», - деді А.Жұмағалиев.

«Семізбай-U» ЖШС-гі жер асты шаймалау әдісімен уран өндіреді. Аталған мекеменің жұмысымен танысқаннан соң қос тарап өңірдегі уран өндіруші кәсіпорындардың даму болашағы, сондай-ақ әлеуметтік-экономикалық саладағы қазақстандық үлесті арттыру мәселесі сөз болды.

Ұлттық атом компаниясының басшысы Қызылорда облысының Жаңақорған ауданындағы «СКЗ-U» ЖШС-нің күкірт қышқылы зауытының да жұмысын көрді. Жылына 500 мың тонна күкірт өндіретін зауыттың ТМД елдерінде баламасы жоқ. Зауыт «Қазатомөнеркәсіп» ҰАК» АҚ кәсіпорындарын кеніштердегі уран өндіру үдерісінде негізгі реагент саналатын күкірт қышқылымен қамтамасыз етіп келеді.

Мұнда қызмет ететін 300-ге жуық жұмысшының 90 пайыздан астамы жергілікті тұрғындар. Сапар барысында қос тарап өндірісті өркендетіп, тұрақты жұмыс орнын сақтап, облыстың әлеуметтік-экономикалық өсіп өркендеуін қамтамасыз етуде бірге жұмыс жасайтын болып келісті.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды