Қазақстанның ұлтаралық келісім тәжірибесіне көпұлтты Ауғанстан мүдделілік танытты

Делегация жетекшісі ауғандық Парламенттің Әйелдер мен балалар ісі комиссиясы төрағасының орынбасары Шукрия Пайкан Ахмади. Кездесудегі басты тақырып Мәжіліс ұйымдастырған Қазақстан халқы Ассамблеясының 20 жылдығына арналған халықаралық конференция болды. Жүздесуде Қазақстандағы ұлтаралық келісім тәжірибесіне көпұлтты Ауғанстан мүдделілік танытты.

Сонымен бірге Г.Иксанова, Мәжіліс өткізгелі отырған Конференция оған қатысушылар үшін барлық жағынан пайдалы болатынын айтты. Және де Қазақстан Президенті Н.Ә.Назарбаев пен біздің халық бейбітшілікті және соған ұмтылған барлық елдерді қолдайтынын, соның ішінде Ауғанстанды да атап өтті.Сол мақсатқа жету үшін екі ел арасында жан-жақты ынтымақтастық, әсіресе мәдени-ізгілікті бағытта болатынын мәлімдеді. Шукрия Пайкан Ахмади конференцияға шақырғандарына алғысын айтып, Ауғанстанға жасалып жатқан барлық көмекке, әсіресе ізгілік көмегіне ризашылық білдірді.

«Біздің елмізде болған соғыстарда, соның ішінде талибандармен болғанында әйелдер қатты зардап шекті. Ауғанстан өз достарының көмегіне зәру»,- деп мәлімдеді ауған парламентшісі.

Сондықтан парламенттік жиын, байланыстар мен тәжірибе алмасу парламенттік дипломатияны жандандырады, халықтардың ынтымақтастығын арттырып, бейбітшілік пен гүлденуге бағытталады. Парламентаралық мәселелерді кең ауқымда қарастырған жүздесуге Мәжіліс депутаттары У.Бишимбаев пен М.Қазбекова және Ауғанстан Ислам Республикасы Парламенті Волеси Джирганың бюджет бойынша комиссия мүшесі Баз Мохаммад Джаузджани, Ауғанстан Ислам Республикасының Қазақстан Республикасындағы Төтенше және Өкілетті Елшісі Мохаммад Фарук Бараки қатысты.