«Дала қыраны – 2015» халықаралық оқу-жаттығуында арнайы компьютерлік бағдарлама қолданылады (ФОТО)

15 Маусым, 2015 20:04

«Дала қыраны – 2015» халықаралық тактикалық-арнайы бітімгершілік оқу-жаттығуы Қазақстанда екі кезеңде өтеді. Бірінші кезеңі ағымдағы жылғы сәуірде болды, ал екіншісі бүгін басталды, деп хабарлады ҚР Қорғаныс министрлігі.

«Іле» оқу-жаттығу орталығының базасында өтіп жатқан «Дала қыраны – 2015» оқу-жаттығуының екінші кезеңінің ерекшелігі командалық-штабтық жаттықтырулар түрінде бітімгершілік бөлімшелерінің штабтарын дайындау болды. Командалық-штабтық компьютерлік-симуляциялық оқу-жаттығу JCATs бағдарламасы қолданыла отырып өткізіледі. Бұл бағдарлама моторесурстар мен оқ-дәрілерді шығындамай бөлімшелерді жоспарлау, басқару және қолдану мәселелерін өңдеуге және компьютерде жоспарланатын операцияларды жүргізуге мүмкіндік береді.

Еске сала кетейік, «Дала қыраны» оқу-жаттығуының бірінші кезеңінің негізіне бейбітшілікті қолдау жөніндегі көпбейінді операцияларға сәйкес біріккен қолбасшылықпен бірге көп ұлтты күштердің құрамында тапсырмаларды орындаудағы «Қазбат» бітімгершілік батальонын тексеру кірді.

«Дала қыраны» оқу-жаттығуы бейбітшілікті қолдау жөніндегі операцияларға «Қазбригтің» жедел үйлесімділігіне қол жеткізуге бағытталған және біріккен қолбасшылықпен бірге көп ұлтты күштер құрамында бітімгершілік бригаданың тапсырмаларды орындау қабілеттілігін шынайы тексереді. Ол 2003 жылы басталды.

Жыл сайын оқу-жаттығуларға 1 500-ден астам адам, сондай-ақ шетел мемлекеттерінің әскери бақылаушылары, НАТО-ның әртүрлі штабтарының сарапшылары және Қазақстан Республикасында аккредитацияланған әскери-дипломатиялық корпус тартылады.

Барлық жаңалықтар