Ақтаудың көлік әлеуеті инвесторлардың қызығушылығын тудыруда – сарапшы

16 Маусым, 2015 08:54

Ақтаудың көлік әлеуеті инвесторлардың қызығушылығын тудыруда, деп мәлімдеді ТМД елдеріндегі экономикалық ынтымақтастық іскерлік орталығының бас директоры Владимир Савченко «Заманауи технологияларды құрылыс пен ТКШ-ға енгізу» халықаралық конференциясы мен МАГ-тың XXIII жылдық сессиясына арналған баспасөз конференциясында.

«Қазақстанда көлік дәліздері мен хабтар жақсы дамуда. Ақтау осындай орталықтардың бірі болып табылады. Ол бүгінде алғашқы кезекте Еуразиялық кеңістікте белгілі. Инновациялық жобаларға барлығы қызығушылық танытуда. Ақтаудың көлік әлеуеті инвесторлар мен адамдардың қызығушылығын тудыруда. Жібек жолының алғашқы жүктері жөнелтілді. Теміржол құрамы көптеген компаниялар үшін шығын мен уақыттың 25-30% үнемдеуге мүмкіндік берді», - деді Владимир Савченко.

Маңғыстау облысының әкімдігі хабарлағандай, Ақтауда ағымдағы жылдың 16-17 маусымында «Заманауи технологияларды құрылыс пен ТКШ-ға енгізу» халықаралық конференциясы және оның аясында МАГ-тың XXIII жылдық сессиясы өтеді.

Конференцияның мақсаты – МАГ-қа мүше-мемлекеттердің өзара байланысын нығайту, ТКШ мен құрылыс салаларында тәжірибе алмасу, коммуналды инфрақұрылымды дамытудың инновациялық жолдарын іздестіру.

Барлық жаңалықтар