Қызылорда облысында Аналар кеңесі мәселесіне байланысты семинар өтті (ФОТО)

15 Маусым, 2015 18:51

Қызылорда облысының Қазақстан халқы Ассамблеясы Қорқыт Ата атындағы Студенттер сарайында Аналар кеңесіне қатысты мәселелер бойынша облыстық семинар ұйымдастырып, оған ҚР Президенті әкімшілігінің сектор меңгерушісі Нәзипа Шанаи қатысты.

Аймақ әкімдігінің хабарлауынша, облыс әкімінің орынбасары Р.Кенжеханұлы өзінің кіріспе сөзінде, аймақтағы этникааралық және қоғамдық келісімді сақтау мен дамыту мәселесіне арнап, облыстық Қазақстан халқы Ассамблеясының хатшылығының қызметіне де тоқталып өтті.

«Әйел-аналар балалардың бойында патриоттық сезім қалыптастырып, төзімділікті сіңіреді, ұлттық құндылықтарды сақтауға үйретеді. Сол себепті де облыстық ҚХА жанынан Аналар кеңесі құрылды. Оның құрамына этнобірлестіктер мен үкіметтік емес ұйымдардың өкілдері, мемлекеттік қызметкерлер, аға буынның белді өкілдері енгізілді»,-деді.

Жиында ҚР Президенті Әкімшілігінің Қазақстан халқы Ассамблеясы секторының меңгерушісі Н.Шанаи мемлекеттік ұлттық саясатты жүзеге асыру жұмыстарына жан-жақты тоқталды. ҚХА жанындағы Қоғамдық кеңес жұмысы жөнінде баяндап, Аналар кеңесін құру жұмыстары бойынша тәжірибесімен бөлісіп, семинарға қатысушылардың сауалдарына жауап берді.

Семинар барысында Аналар кеңесінің жұмысын белсендендіруге байланысты қызықты ұсыныстар айтылды. Семинарды Облыс әкімінің орынбасары Р.Кенжеханұлы мен ҚР ПРезиденті әкімшілігінің ҚХА секторының меңгерушісі Н.Шанаи қорытындылады. Президент әкімшілігінің өкілі облыстық ҚХА белсенді мүшелеріне Қазақстан халқының Ассамблеясының 20 жылдық мерейтойлық медальдарын табыстады.

Барлық жаңалықтар